林俊其被爆曾公開示愛羅毓儀閨密王菲？網民怒插為上位講大話惹本尊親自回應揭真相
TVB戀愛真人騷《女神配對計劃》中除了GM與葉蒨文一對大受歡迎外，林俊其（Kris）與羅毓儀（Yuki）的互動亦被網民關注。新一集中Yuki更是零掩飾她對林俊其的鍾愛，不過節目播出後，就有網民翻出Kris曾在節目上公開示愛羅毓儀閨密的影片，直指他講大話，而Kris亦親自回應！
林俊其被爆曾示愛羅毓儀閨密
日前有網民在Threads上發文並貼出截圖，表示發現林俊其曾在在節目上公開示愛羅毓儀閨密王菲：「記得明明之前係另一個節目到人地問kris有無暗戀邊個公司同事，佢答王菲。宜家又話暗戀咗yuki 6年，宜家王菲仲上節目做yuki閨蜜撮合佢地，呢個三角關係係發生咩事？」直指林俊其講大話！
本尊親自回應揭真相
片段曝光後有網民就向林俊其求證，而Kris就表示自己亦預計到會有人翻出當年影片，不過他亦解釋只是節目效果：「個個遊戲其實最後係要打電話俾對方，我同王菲都係好老友，所以我打俾佢會冇甘尷尬，事後我都即刻message佢，不過佢知我拍緊野佢都明。」澄清與王菲只是朋友，當時示愛只是節目需要。
被網民插爆為上位講大話
其後Kris又貼出與王菲的對話截圖，表示自己早在2021年就已經向她表達過對Yuki的心意，並沒有為上節目而說謊。令不二人的「CP粉」表示放心：「看到你解釋我就放心曬」、「佢嘅解釋都非常合理，我相信佢」；不過亦有不少網民仍然不買帳：「一直都覺得佢唔係真誠」、「打死我都唔信」、「反正感覺Tmax好點」
林俊其羅毓儀啤牌之吻
而早前二人在《女神配對計劃》的聚會中，因為輸了遊戲而接受「啤牌之吻」的懲罰，Kris與Yuki嘴對嘴，二人之間只剩下一張啤牌的距離，畫面令人心動。而兩人都面紅紅，Kris更是連耳朵都紅了，最後由Yuki怕羞縮開，完結懲罰。事後二人接受訪問時亦直言心動，更不時甜蜜互望！
來源：threads@tkh_im0626、小紅書
閨密王菲爆Yuki親口承認對其中一位求愛勇士有Feel
Dating Camp的花生團主要由五位女神的閨密組成，其中Yuki閨密王菲則自爆經常與Yuki撐枱腳時𥄫靚仔，並笑謂Yuki有向她放風指自己對其中一位求愛勇者有Feel：「佢有透露過對其中一個（Kris）幾有Feel嘅，我都希望我可以幫佢做吓助攻。」
羅毓儀鎖定林俊其目標明確
這一集，Yuki繼續零掩飾她對林俊其（Kris）的鍾愛，例如玩完第一個回合後要派發心動鎖匙（PS 累積鎖匙最多者可與女神同房），Yuki嬌俏地猶豫了一輪後開心表示要畀Kris，由於Kris在環節中表現零突出，連Kris自己接Key也受寵若驚，全程睇實比賽進程的主持阿Bob見狀忍不住問：「點解嘅？佢淨係出戰過一次架咋喎！」
而Step則毫不客氣大叫：「偏心」。被連環「篤爆」的Yuki只能弱弱回應咗N咁多次「因為…」，事後她接受製作組訪問時勁坦白承認對Kris的鍾愛：「有機會要揀（Key）嘅時候，一定要畀自己最想畀嗰個人。」
女神至Hot造型青春氣息爆燈
本集正式進入Dating Camp對戰環節，五位女神葉蒨文（Sophie）、李芷晴（Stephanie）、羅毓儀（Yuki）、關嘉敏（Carman）及梁敏巧（Maggie）會與13名求愛勇士／組員大玩扯大纜、中西餐配對，及心意配對遊戲。
Dating Camp的花生團主要由五位女神的閨密組成，分別是Sophie閨密莊子璇Hilary、Step閨密何泳芍Honey、Yuki閨密王菲、Carman閨密莊思明、Maggie閨密鄧伊婷，還有堪輿學家雲文子；五位閨密更有權影響女神的同房過夜對象！
閨密輪流玩爆料！莊子璇爆葉蒨文最愛「談」戀愛
話明閨密，自然掌握對方勁多秘密，呢集Hilary、Honey及王菲便先後化身「爆料熱線」輪流玩踢爆。
Hilary直指每次跟Sophie傾偈，都是圍繞戀愛話題，並自豪謂：「所以佢嘅情史我係知得非常之徹底，我知佢鍾意一啲望落好Bad boy嘅樣，同埋眼細係一定要！」
Honey則笑指只要Step一有動作，便能馬上看穿Step對誰人有意思：「佢嘅情史我唔係淨係知道咁簡單，我係同佢一齊經歷，我會喺佢嘅行為度睇到佢鍾意邊個人咯。
五大女神濕身唯美水著Look搶先睇！
新一集公開五位女神葉蒨文（Sophie）、李芷晴（Stephanie）、羅毓儀（Yuki）、關嘉敏（Carman）及梁敏巧（Maggie）唯美濕身水著Look，分別穿上紫／白色、白色、花哩碌、墨綠色及紅色泳衣，大晒陽光活力一面，配以肉緊開心表情，吸睛度爆燈！
GM擔心玩輸遊戲睇住Sophie與其他男仔過夜
而Camping正式開始前，主持人兼金牌媒人林盛斌會向所有求愛勇者宣布當日成績最好表現的五位男士，將可跟心儀女神單獨同房過夜！一眾男士得知後表現勁震驚，紛紛大叫「好癲！」、「玩到咁大？！」GM接受製作組訪問時，更又再展現可愛本色搞笑謂：「死喇，咁即係如果我玩輸咗，佢咪同第二個同房？」
葉蒨文豪語迎Camping：我最期待係同男嘉賓瘋狂交流
談到在「三角枱約會」失利敗給勁敵林澤謙，GM坦言有很大挫敗感，但卻驅使他這次入Camp變得Carefree：「講真我咁大個仔都未試過咁樣追女仔！上次個挫敗感其實幾強，所以今次呢個camp我係期待，開開心心唔好諗咁多，結果係點就隨緣啦。」至於向來語出驚人的Sophie則豪邁笑謂：「我最期待係同男嘉賓瘋狂交流！」
港生活人氣娛樂新聞
↓【限時搶⚡】卡樂B JagaRico脆條套裝↓
↓新鮮薯仔原味｜鮮甜紫菜味↓
↓【限時搶⚡】賞您SmileLife™ ProMov骼動 專利蛋殼膜「精準」關節配方↓
↓針對關節痛症、退化、勞損｜最快5天特強關節減痛↓
