領展App突停用惹議！用戶憂影響泊車：走回頭路

領展走回頭路？突宣布停用「Link Up」引關注

有港人昨日（22日）於連登討論區發帖，他以「領展係咪好唔掂，連個app都要收皮？」為題，並附上一張由領展發出的公告，指旗下手機應用程式「Link Up」將於本月31日起停止服務。從公告所見，領展宣布「Link Up」手機應用程式即將停用，並寫道「感謝閣下一直以來的支持。我們持續檢討及優化市場營銷策略，並在審慎考慮後，決定自2025年7月31日晚上8時（香港時間）起，停止「Link Up」手機應用程式服務。詳情請查閱「Link Up」手機應用程式內的會員通知。」

點擊圖片放大

樓主對此表示錯愕，他認為該App相當實用，「平時搵停車場，車位，睇下自己部車泊左幾耐，用佢個app都算方便」。對於領展突然終止服務，他直言感到無助，「依家佢唔搞個app定點，淨係可以用返佢個網站睇？上年換晒d閘機以為搞智能化，點知依家又走返轉頭，咁大間公司，做個app駛幾錢呀？」

「Link Up」面世兩年即告終...

翻查資料，升級版「Link Up」手機應用程式於2023年7月推出，原意是為顧客提供更佳的購物與消閒體驗，並整合六大功能，包括：實時泊車資訊、社區活動、商戶優惠、會員消費禮遇、綠色生活資訊及互動遊戲獎賞。然而，推出未滿兩年便突然叫停，惹來質疑。

網友有共鳴：冇咗app點交月租？

不少網民深感共鳴，紛紛留言「佢睇停車場呢個app，真係好好用」、「我都想問，平時都係app禁個QR Code出來過數，依家冇咗app可以點交月租」。

港人炮轟領展服務退步 月租加價、設施殘舊

有網民憶述，過去領展曾強制用戶下載App才能享用免費泊車優惠，如今服務草草終止，感覺如同被「割韭菜」。亦有市民直言服務質素大不如前，「月租就識加，小小app就做唔X掂」、「加到咁貴，嘢又做唔足，日日天花版啲石灰跌曬落嚟我架車度，水喉又唔比條嚟洗車」、「唔止車位窄，成個停車場都窄到X街，月租又唔俾人用信用卡」。

▼港人力數領展▼

+5

+4

點擊圖片放大

有網民更將事件與領展早前爆出的裁員風波聯繫起來，質疑停用App或與內部重組有關，「應該成個部門cut左去喇」、「之前炒晒d人」、「睇新聞話炒左20人IT」，更有自稱是領展員工的網民表示：「IT cut剩3個，包括我.....」。不少人怒斥領展出現「肥上瘦下」的情況，狠批「加CEO人工，但cut走成個sections，完美體現一間為財是道嘅X街私人企業」、「邊有錢剩啫，有都用晒嚟派畀高層啦」，亦有人推測：「總覺得係想做頹返，然後開另一間公司食咗佢」。

有網民力撐領展 或轉用新平台

雖然批評聲不斷，但亦有部分網民為領展辯護，認為不應過早下定論，「唔好咁啦，領展已經算係有良心既場（時租），求其叫間食肆print返單都有4-5個鐘free parking」。亦有聲音猜測領展是有意轉用新平台，「好似係砍掉重練，轉用新app」、「應該係轉用微信小程序，配合班粵車南下」。

有眼利網民發現，雖然公告提到停用「Link Up」，但同時亦表示日後將推出全新會員平台，惟未交代具體時間。不過，大多數網民對此未抱期望，紛紛留言：「OnX，新平台未ready就停而家嗰個」、「咁你都信」。

領展裁員至少50人 高層坐享高薪惹爭議

事實上，領展近期風波不斷，根據《HKET》報導，領展近日裁減約50至60個職位，每個部門均要「交人」。目前領展在港僱員約1,000人，意味是次裁員規模約佔本地員工總數5%。對於裁員消息，領展早前回應稱，正「精簡」小量的職務和職位，但未有交代實際涉及人數。

點擊圖片放大

此外，高層薪酬亦引起外界關注。王國龍自2011年出任行政總裁以來，年薪由1,633萬港元增至7,826萬元，升幅逾三倍，回報遠超大市表現。其高薪與大規模裁員消息形成強烈對比，惹來不少批評聲音。王國龍對相關爭議未有正面回應，惟昨日（23日）宣布將於2026年6月底退休，結束其在領展長達16年的管理生涯。

來源：連登討論區、HKET、HKET