何雁詩懶理負評承認有意生第二胎BB 親爆鄭俊弘得知囝囝患病後日日喊

何雁詩無意放棄唱歌

節目中，Stephanie坦言即使忙於照顧囝囝，也無意放棄唱歌，「而家阿囝行先，之後工作都好重要。因為我要有返自己興趣，係自我價值肯定，先令我可以去維繫family！」原來當兒子歲半證實患病時，曾讓老公鄭俊弘及何家上下陷入「欲哭無淚」的崩潰狀態一段日子，是何雁詩為母則強、堅強地調整心態，令全家人為愛兒重新振作。

+3

+2

點擊圖片放大

鄭俊弘得知兒子患病後日日喊

對於鄭俊弘曾透露兒子證實患病後，曾長時間攬住阿囝日日喊，Stephanie直認不諱，「係！頭嗰三個月，唔止Fred，全屋企氣氛都好沮喪，無論我哋，定係姐姐(傭人)，又或者我父母都係。譬如本來見到媽咪同阿囝玩得好開心，但轉頭佢行去廚房就喊，全家人都係咁。見到咁嘅狀況，我就明白要be 強！be strong！」

+3

+2

點擊圖片放大

為孩子計劃未來

Stephanie指鼓勵老公振作的方法就是一起為孩子計劃未來，「計劃唔到四、五十年後嘅事，呢啲無得plan，係安排阿囝點接受治療，或者我哋學習點照顧阿囝。當我迫住自己搵資料嘅時候，就無時間唔開心。另外，無幾耐舊年4月中，又開始策劃天使綜合症慈善音樂會，有忙嘅目標，就令我哋快啲 get over（唔開心嘅）情緒。」

何雁詩有意生二胎

談及鄭俊弘婚前婚後的改變，Stephanie說：「結婚前佢man啲，婚後就變咗我man。到阿囝有事，就大家一齊be a man，一齊做好照顧阿囝嘅崗位。」相對鄭俊弘，何雁詩於人前絕少展露軟弱一面，Stephanie坦言：「因為唔需要！展露脆弱又點？我又唔係等人拯救，我唔開心會放響音樂作品上，出嚟做訪問或見人，點解要畀人見到唔開心？」何雁詩亦坦言再生第二胎沒有陰影，她說：「I’m not afraid！我一直認為我人生唔止有一個小朋友，我想生多幾個添。」

+3

+2

點擊圖片放大

唔理落井下石留言

至於經歷入行十六年，今天的何雁詩對於網上有關對其兒子落井下石的留言已沒再動氣，「好多嘢都唔會嬲，都慣咗。我唔了解佢哋嘅出發點，只能接受大家睇嘅嘢唔同。譬如有個留言好有趣，話：『你個囝都唐唐哋，都幾大鑊！』我本來想覆佢我個囝唔係唐氏綜合症，係天使綜合症，希望let him know純粹分清楚，最後都係覺得唔理得咁多，唔想呢啲嘢影響我開心唔開心，我已經好多嘢要處理，我係無時間。」

何雁詩回應天使仔仔患病係報應

當年何雁詩被指介入鄭俊弘與富貴未婚妻Beebs的戀情，後來鄭俊弘更惹來疑似虐狗風波，形象一度插水。因此，在兩人公布兒子患上「天使綜合症」後，曾有部份網民留言Asher患病是「有報應」。而何雁詩接受訪問就對此表示：「你唔會真係理佢㗎嘛，你又唔識我，你衝埋嚟突然間鬧我，我冇理由同佢拗，我唔係一個會咁樣講人哋嘅人，所以我唔想同網上鬧人嘅人同一個Level。」

+3

+2

點擊圖片放大

何雁詩重提被指是第三者

對於曾被指是第三者何雁詩就表示：「我明白點解有啲人對我哋有個睇法，因為佢哋對我哋嘅了解就係喺報章上面，報章上嘅嘢當然唔係我哋嘅全部啦。」亦指在公開兒子患病時，亦預計到不同的聲音，而自己的初衷亦只是希望讓更多人認識這個病：「人哋成日叫我小朋友嘅嘢低調啲，但係我係唔會㗎，OK？好多人就話『個仔有問題你就收埋佢啦』，好多嘅，但係我知道我自己點解要咁做囉！」

+8

+7

點擊圖片放大

透露第二胎計劃

何雁詩亦透露在懷孕時亦有做足產前檢查，但由於「天使綜合症」的數據實在太少，因此沒法檢查出來，而囝囝確診患時，自己的反應比鄭俊弘冷靜。而Asher去年在美國接受治療後，大有進步，即將可以到特殊幼稚園上學。不過對於第二胎的計劃，Stephanie就表示暫時未有計劃生第二胎，目前希望可以專心照顧Asher。

+7

+6

點擊圖片放大

何雁詩鄭俊弘仔仔3歲生日

何雁詩和鄭俊弘的仔仔在1歲半時就確診患上罕見遺傳病「天使綜合症」，影響患學習能力、語言能力、自主活動能力，雖然成長比其他人慢，但二人亦用心照顧。日前Asher迎來3歲生日，Stephanie和Fred亦為他舉行生日派對。相中見Asher身穿白色短袖襯衣，配上藍色領結，看起來十分精靈！

+9

+8

點擊圖片放大

何雁詩天使仔仔即將返學

而爸爸亦在IG寫下對Asher的祝福：「Happy birthday my son! Mommy and Daddy loves you so much. We wish you the best ❤️❤️❤️」不少網民亦留言祝福Asher生日快樂，身體健康，快樂成長。而早前何雁詩亦表示經過一年的等待，終於排到政府S位特殊幼稚園學位，3歲的Asher即將可以返學！

+8

+7

點擊圖片放大