女神配對計劃｜羅毓儀緊張力保心儀對象林俊其 甜蜜重聚一刻全場歡呼反應勁冧
TVB戀綜《女神配對計劃》第八集繼續是Dating Camp，除了有內容極之豐富的「心意配對遊戲」，今集還會出現兩名淘汰者。其實除了「國民情侶」GM（曾展望）及Sophie（葉蒨文）甜度超標，羅毓儀（Yuki）與林俊其（Kris）的甜蜜互動亦相當冧豬豬，只是二人的緣份比較一波多折。
林俊其「無緣份」揀極都唔中
在「心意配對遊戲」環節中，眼見林俊其答案揀極都唔中，芳心明許的羅毓儀擔心外露，在聽候林盛斌給予指示期間，忍不住向Kris投以既淘氣又嬲豬的眼神，之後更索性以背脊「得住」Kris，相當搞笑。
羅毓儀出盡法寶力保心儀對象林俊其
羅毓儀事後接受製作組訪問，亦不開名表示好擔心Kris：「因為玩問答環節時候哩，我就好少見到某人嘅，咁跟住我就開始擔心喇，死啦！如果真係五條問題都撞唔中，咁你咪真係得一條鎖匙？！」
二人甜蜜互動一刻全場歡呼
最終，二人幾經波折終可「重聚」，而Kris揭開帳篷見到Yuki一刻，更是開心到成個彈起：「好似歐聯入波咁呀，嘩 ！」而現場包括閨密花生團所有人，亦發出超震撼歡呼。而抽中與Kris玩Sit up甜蜜互動的Yuki，全程冧豬樣盡出，氣氛煞是甜蜜。
港生活人氣娛樂新聞
↓【限時搶⚡】卡樂B JagaRico脆條套裝↓
↓新鮮薯仔原味｜鮮甜紫菜味↓
↓【限時搶⚡】送您Sweety Eyes by cl mall日本PIA日拋彩妝隱形眼鏡↓
↓甜美可愛系、自然亮眼系、明星款｜獨家9折優惠↓
