聲秀｜6燈選手林潔心Bibi唱《溝渠暢泳》獲全線導師激讚 劉浩龍搶贏入隊：我要搶佢

6燈選手林潔心Bibi演唱《溝渠暢泳》獲全線導師激讚

林潔心（Bibi）演唱泳兒的《溝渠暢泳》，高低音穩陣、感情豐富的同時，還唱出了別具魅力的迷幻感。撳紅燈的譚耀文坦言海選時已很欣賞Bibi：「因為你好有爆發力，知道你再落去仲有好多好多變化可以畀大家睇到，我鍾意你唱歌嘅tone。」同樣亮出紅燈的劉浩龍（師兄）：「頭先佢一出嚟，一唱第一句，大家都…（邊說邊做出傾前動作），證明好入心，所以我要搶。」原唱泳兒亦大讚Bibi，爭輸人的她更向師兄開玩笑：「你搞唔掂可以過嚟搵我。」

+6

+5

點擊圖片放大

不約而同從事地盤工作｜林錦興爆發力驚人獲封「吳浩康2.0」

昨晚另一焦點，落在擁有磁性聲音、兼唱功別具感染力的林錦興（小林）身上。演唱《到此為止 》的他爆發力驚人，吳浩康甚至於小林只唱了兩句的時候，便亮出黃燈！對於很多人直指同任地盤工作的小林是「細Deep」，吳浩康自己亦笑言：「直情係失散咗嘅仔。」並形容小林為一匹野馬：「我睇佢海選時，已畀佢唱歌嘅energy吸引咗，因為力量型嘅演唱我相信都會係（我）自己比較常用嘅方法。」眼見「兩父子」如此投契，同樣有撳燈的胡鴻鈞宣布放棄爭人：「我覺得好似阻住你咁。」

+2

點擊圖片放大

徐惠晴獻唱失準爆喊反獲激讚

同樣表現亮眼的，還有獻唱《為何他會離開你》的徐惠晴（Vanessa），由於表現稍有失準，徐惠晴唱畢後自責爆喊，但由於其感染力及唱功均相當不俗，故仍獲得三盞黃燈好成績！泳兒讚嘆：「原來你只得17歲，但已經有一個好老嘅靈魂，好有經歷咁，呢個係你嘅music sense。」吳浩康則大讚徐惠晴演唱心態極好：「你令到我覺得我撳呢盞燈係冇錯，你會為你嘅演出而喊同失望，因為你着緊，你心態同質地都好好。」

點擊圖片放大

「顏值擔當」胡港豐Andrew 誠懇態度獲讚

至於被視為「顏值擔當」之一的胡港豐Andrew，則因誠懇態度獲導師譚耀文賞識：「鍾意就鍾意，我覺得佢好誠懇。」阿譚更直指覺得Andrew可以有更多變化：「佢音域好闊，仲有好多power喺裏面。」

+2

點擊圖片放大

文雅姿Xylia跌入危險區爆喊 導師鍾舒漫衝入後台安慰

本集跌入危險區的，分別是文雅姿Xylia及陳芷晴Isabelle，其中為追音樂夢自費去音樂學院學音樂的文雅姿，得悉要跌入危險區一刻相當自責，更邊喊邊跑往後台，獲導師鍾舒漫暖心衝入後台擁抱安慰，鍾舒漫更鼓勵文雅姿不要放棄：「Good job！你真係好有potential，唔好放棄。」

+6

+5

點擊圖片放大

綜合昨晚一集，蘇永康、泳兒及劉浩龍均只剩一個學員名額（每位導師各可擁有三個名額），到底三人會否因為名額有限在下一集變為手緊呢？密切期待下周日晚播出的第三集《聲秀》。

全新歌唱大賽節目《聲秀》預熱式前奏節目《聲秀 序曲》

無綫全新歌唱大賽節目《聲秀》經過超過為期兩個月的海選及特訓，精選了25名平均年齡低於21歲（20.6歲）的歌唱潛力新星，包括趙一霖（阿霖）、司徒泆Haru、陳芷晴Isabelle、溫俊祥Johnson、張欣翹Luna、陸卓謙Jeffrey、冼奕瑜Jasmine、徐惠晴Vanessa、布子殷（布子）、胡港豐Andrew、喬美莎 Chelsea、周智敏Emily、陳卓怡Hoonry、文雅姿Xylia、林潔心Bibi、陳芮萮（阿寶）、甄敏芳Jenny、柯雨霏 Ophelia、胡子貝Matt、張津銘（金鳴）、鄧偉謙Theodre、林錦興（小林）、馮熙燮Ryan、蕭凱恩 Michelle、穎喬 Ziva。

+9

+8

點擊圖片放大

+6

+5

點擊圖片放大

《聲秀》強勢登場 七大導師陣容鼎盛

是次節目邀得七位實力派歌手擔任導師，包括蘇永康、譚耀文、劉浩龍、吳浩康、泳兒、鍾舒漫和胡鴻鈞，他們將各自帶領參賽者爭奪冠軍寶座。七位導師均為香港樂壇的資深歌手，各具特色及豐富的舞台經驗。

+5

+4

點擊圖片放大

7位導師挑選學員準則

宣傳片中，7人各自公開冠軍法則，蘇永康：「我的心水冠軍是要懂得用歌聲來講故事」、譚耀文：「一走出來就要被人感受到台風」、劉浩龍：「要讓我看到她是真心熱愛音樂」、吳浩康：「地獄式訓練一定不可以棄」、泳兒：「要有主見，夠膽去爭取」、鍾舒漫：「舞台形象和觀眾的互動都是關鍵」、胡鴻鈞：「我會毫無保留將我懂的東西，都教給他們」。

+7

+6

點擊圖片放大

新秀冠軍譚耀文剖白從未放下對歌唱熱誠

於1988年獲得《新秀歌唱大賽》金獎的譚耀文，雖然投身演員行列後未有唱歌多年，但他坦言從未放下對歌唱的熱愛：「因為我係好鍾意音樂，對唱歌仲係好有熱誠，希望不斷可以再進步。」阿譚更笑言希望可以做到「傳承」：「我會希望加上我以往嘅舞台經驗同演戲經驗，可以幫助到學員歌曲傳達訊息嘅技巧。」

點擊圖片放大

泳兒談比賽名次不等於順風順水 

泳兒亦坦言得獎後的道路並非一帆風順：「大家唔好以為我攞到咗名次就係順風順水，嗰個只係一個開始，點解？因為將來嘅路都會充滿住好多挑戰，但正正因為有好多呢啲難關，令到我好勇於挑戰自己。」

劉浩龍自揭花名「師兄」由來 

至於1997年《全球華人新秀歌唱大賽》金獎得主劉浩龍（師兄），則搞笑自揭「師兄」名字由來：「贏咗新秀之後，我喺TVB做咗幾年主持，甚至冇做娛樂圈嘅工作、出咗去賣錶，好辛苦好辛苦。終於2004年可以做到（番）歌手，我第一隻派台歌就係黃偉文寫畀我嘅《師兄》。」

+2

點擊圖片放大

吳浩康有信心調教任何聲底

談到挑選學員準則，最霸氣非吳浩康（阿Deep）莫屬，為成為負責任的養家好男人、阿Deep放下前歌手身段轉行做地盤、自此Man爆好男人形象深入民心；原來阿Deep除了自己本身唱得，還已經當了九年歌唱老師，導師資格毋庸置疑，而阿Deep亦充滿信心，聲稱自己「咩聲都Tune到」：「我覺得態度好緊要，肯唔肯學、肯唔肯練，因為唱歌唔係話你點一點我、我就明白同開咗竅。當然聲底好會有優勢，但我係無論咩聲都tune到，唱功我亦可以再教佢。」

《新秀》/《巨聲》/《聲夢》經典片段出土

另節目還有不少珍貴的當今紅星昔日比賽片段出土，包括黎明一本正經獻唱《絕對空虛》、《中年好聲音》主持車婉婉在跑步機上獻唱《一起走過的日子》、許廷鏗及吳業坤當年的搞笑木獨肉緊樣，還有陳奕迅與楊千嬅參選新秀時於現場玩遊戲片段，當年的Eason身形弗爆程度更是讓人一見難忘。
  

+9

+8

點擊圖片放大

聲秀入圍名單｜25強

聲秀入圍名單25強最新官方造型照及基本個人資料：（排名不分先後）陳芷晴（Isabelle）16歲、張欣翹（Luna）16歲、溫俊祥（Johnson）16歲、司徒泆（Haru）16歲、趙一霖（阿霖）16歲、陸卓謙（Jeffrey）17歲、冼奕瑜（Jasmine）17歲、徐惠晴（Vanessa）17歲、胡港豐（Andrew）18歲、布子殷（布子）18歲、陳卓怡（Hoonry）20歲、喬美莎（Chelsea）20歲、周智敏（Emily）20歲、文雅姿（Xylia）20歲、林潔心（Bibi）21歲、甄敏芳（Jenny）22歲、陳芮萮（阿寶）22歲、胡子貝（Matt）23歲、蕭凱恩（Michelle）29歲，以上19位職業均為學生。

還有馮熙燮（Ryan）26歲，職業：大學畢業生、柯雨霏（Ophelia）23歲，職業：大學畢業生、穎喬（Ziva）29歲，職業：兼職模特兒／咖啡店店員，林錦興（小林）25歲，職業：地盤工人，鄧偉謙（Theodre）24歲，職業：舞台劇演員／ 戲劇導師，張津銘（金鳴）24歲，職業：駐場歌手。根據資料，參賽者年齡由16歲到29歲不等，而且大部分均是學生，前途無可限量！

聲秀參賽者入圍名單懶人包

+7

+6

點擊圖片放大

+9

+8

點擊圖片放大