見工「替身黨」湧現？老闆踢爆應徵者偷換身分 搵表妹代返工！網民憂黑工集團新招

WhatsApp露破綻　老闆一句踢爆「替身」

據該名負責人描述，公司早前面試一名廚房女工應徵者，並決定錄用。惟上班首日「新員工」竟透過WhatsApp詢問公司位置，聲稱「我到左，但搵唔到。」老闆頓生疑惑，反問「你上過去見工你應該知邊度」，對方卻表示「我之前去過一次，忘左喺邊。」從對話紀錄可見，幾分鐘後老闆直接拆穿「你黎都唔係你本人。」

面對質疑，應徵者辯稱「因為我已經搵到工，我表妹啱啱辭職。唔好意思。我表妹很年輕，做嘢好快手嘅。」老闆隨即拒絕讓該「替身」上班，並在帖文中強調「利申，係冇俾到呢個人返工的。直接叫佢走咗啦，直頭唔需要睇身份證，因為根本唔係同一個人。」

點擊圖片放大

負責人表示面試前已經篩走不少應徵者，見工第一件事會檢查身份證，「真係廣東話都唔識講，我有見過啲好假嘅身份證」，未料今次會出現「見工替身。」

點擊圖片放大

網民憂「黑工」設局  籲僱主提高警覺

事件曝光後，網民大呼誇張，直言「真係100歲唔死都有新野」、「返工都可以請代工」、「咁都俾佢諗得出。」不少網民質疑「替身」可能沒有合法工作身份，擔心是合伙設局讓僱主誤聘黑工，「幫人搵工收回水。」亦有網民建議，先向勞工處備案及報警，「怕係黑工，你炒佢佢舉報你攬炒」、「支持報警追究，感覺是產業鏈。」

有網民則分享則遇類似事件，「以前遇過有人頂更，點知一睇身份證先知頂更果嘅人拎雙程或者喺舉手人士，俾人捉到就大獲，好在開工前check咋。」

+8

+7

點擊圖片放大

僱主請「黑工」可被判罰款35萬元及監禁3年

根據香港《入境條例》，僱主若聘用非法勞工，不可合法受僱的人為僱員，即屬犯罪，可被判罰款35萬元及監禁3年。若該人為非法入境者、受遣送離境令或遞解離境令規限的人、逾期逗留或被拒入境人士，最高刑罰會提高至罰款50萬元和監禁10年。

來源：Threads@yatsunhairycrab、《入境條例》