聲秀|馮熙燮Ryan獲蘇永康高度評價紅燈搶人 胡鴻鈞放棄爭人原因勁暖心

文: 羅志宏
3小時前

TVB歌唱大賽《聲秀》由陳懿德主持,第二集的最強學員是獻唱《給你幸福 所以幸福》的馮熙燮(Ryan),除了獲得「四黃一紅(燈)」好成績,並獲導師們高度評價,其中蘇永康(阿公)專誠為Ryan留起「王牌」紅燈之餘,還在Ryan唱了數句後即撳紅燈!

馮熙燮獲高度評價|蘇永康特意留王牌搶人 

原來蘇永康(阿公)早於海選時已對Ryan「一聽難忘」,還忍不住回家向太太大讚Ryan,當時蘇太的回覆是:「我都估到你鍾意佢。」阿公更以「靚布料」形容Ryan擁有靚聲,勁有詩意:「唱歌嘅技巧就等於一件衫嘅剪裁,剪裁可以變,但聲線同聲底就係嗰塊材料。我好喜歡呢塊材料,如果材料係好嘅,我想點樣剪都有個可塑性。」

劉浩龍笑言有「小蘇永康」影子 譚耀文陶醉到忘記撳燈?!

其他導師亦對Ryan讚不絕口,泳兒:「你唔係嚟比賽,我覺得你已經係表演緊喇。」劉浩龍:「直頭有啲蘇永康嘅風格添。」說畢向右揮一揮拳,再笑問阿公:「嗰吓似唔似呀?所以係屬於你㗎啦。」阿公對此幽默回應:「佢型啲添!」

胡鴻鈞放棄「紅燈」爭人權利 背後原因勁暖心:呢個比賽應該Focus喺學員

胡鴻鈞(Hubert)雖然同樣對Ryan情有獨鍾,但為人貼心的他,認為Ryan跟阿公會有更多得著,故決定大方「讓愛」:「呢個比賽應該focus喺學員,我會幻想你跟邊位老師得著最多,一定係阿公。」至於譚耀文則最搞笑,由於太投入於Ryan的演出,他竟忘記了要撳燈,但事後為了給Ryan一個讚,仍決定補撳燈,相當有趣。

穎喬獻唱《純真傳說》獲讚聲音有texture兼可塑性高

昨晚另一焦點,是獻唱《純真傳說》的丹麥西班牙混血兒穎喬Ziva,獲Hubert直言海選時已對其印象很深:「我好鍾意女仔唱低音,佢把聲好有texture。」Hubert更在點評Ziva時、剖白了自己不使用「王牌」爭學員的原因:「我想參賽者因應返自己嘅需要,去選擇覺得真係幫到佢嘅導師。」再次引證他超為學員著想!至於泳兒則大讚Ziva可塑性高,故同樣撳了燈。最後Ziva毫不猶豫地選擇了貼心Hubert:「Day1已經係(想揀)Hubert老師。」

16歲司徒泆青春跳唱《Para Para Sakura》 「逆境笑容」值得一讚

本集另一值得留意學員是16歲的司徒泆(Haru),青春感十足地熱舞跳唱郭富城經典歌曲《Para Para Sakura》,配以自信moonwalk,表現亮眼。由於去到揀人中段,導師們開始手緊,故Haru雖然表現不俗仍沒有獲得導師撳燈,但難得的是,他依然保持開心笑容繼續表演下去,表現可嘉。

對於Haru的體育精神,鍾舒漫(Sherman)大讚:「裏面走出嚟嗰份開心同自信係好難得,你聲線跳唱嘅時候好實淨同埋好響,見唔到燈唔好太過擔心。」Sherman最終果真由危險區救出Haru,令他順利躋身21強。至於顏值備受網民正評的喬美莎Chelsea,最終慘被淘汰,Chelsea為此哭至梨花帶雨,但她仍堅持不放棄:「這還是我的夢想,所以我會繼續努力。」有網民直指Chelsea樣子靚爆鏡,紛紛鼓勵她下年報名參選港姐。

第二集被淘汰學員名單

最終,本集被淘汰四位學員為:文雅姿(Xylia)、陳芷晴 (Isabelle)、溫俊祥(Johnson),以及喬美莎(Chelsea),剩下21強成功晉級! 


 

《聲秀》馮熙夑Ryan:物理治療師跨界追夢 

26歲的馮熙夑(Ryan)除了在澳洲修讀物理治療系之外,亦擅長拉大提琴,並一直堅持兼職做餐廳駐唱歌手,原因是純粹是想享受來自台下觀眾的掌聲,他說:「唱歌係Give and Take」。

 

 

 


聲秀入圍名單|25強

聲秀入圍名單25強最新官方造型照及基本個人資料:(排名不分先後)陳芷晴(Isabelle)16歲、張欣翹(Luna)16歲、溫俊祥(Johnson)16歲、司徒泆(Haru)16歲、趙一霖(阿霖)16歲、陸卓謙(Jeffrey)17歲、冼奕瑜(Jasmine)17歲、徐惠晴(Vanessa)17歲、胡港豐(Andrew)18歲、布子殷(布子)18歲、陳卓怡(Hoonry)20歲、喬美莎(Chelsea)20歲、周智敏(Emily)20歲、文雅姿(Xylia)20歲、林潔心(Bibi)21歲、甄敏芳(Jenny)22歲、陳芮萮(阿寶)22歲、胡子貝(Matt)23歲、蕭凱恩(Michelle)29歲,以上19位職業均為學生。

還有馮熙燮(Ryan)26歲,職業:大學畢業生、柯雨霏(Ophelia)23歲,職業:大學畢業生、穎喬(Ziva)29歲,職業:兼職模特兒/咖啡店店員,林錦興(小林)25歲,職業:地盤工人,鄧偉謙(Theodre)24歲,職業:舞台劇演員/ 戲劇導師,張津銘(金鳴)24歲,職業:駐場歌手。根據資料,參賽者年齡由16歲到29歲不等,而且大部分均是學生,前途無可限量!

聲秀參賽者入圍名單懶人包

中文姓名英文姓名年齡
柯雨霏Ophelia23歲
喬美莎Chelsea20歲
蕭凱恩Michelle29歲
陸卓謙Jeffrey17歲
馮熙燮Ryan26歲
布子殷布子18歲
林錦興小林25歲
張津銘金鳴24歲
陳芮萮阿寶22歲
趙一霖阿霖16歲
胡港豐Andrew18歲
林潔心Bibi21歲
周智敏Emily20歲
司徒泆Haru16歲
陳卓怡Hoonry20歲
陳芷晴Isabelle16歲
冼奕瑜Jasmine17歲
甄敏芳Jenny22歲
溫俊祥Johnson16歲
張欣翹Luna16歲
胡子貝Matt23歲
鄧偉謙Theodre24歲
徐惠晴Vanessa17歲
文雅姿Xylia20歲
穎喬Ziva29歲

 

 

 

 

↓【免費送】美食博覽2025電子套票!↓

↓ 同一門票玩盡四大展覽✨唔同著數等您拎🛍️ ↓

↓ 同一門票玩盡四大展覽✨唔同著數等您拎🛍️ ↓

↓【限時搶⚡】卡樂B JagaRico脆條套裝↓

↓新鮮薯仔原味|鮮甜紫菜味↓

↓新鮮薯仔原味|鮮甜紫菜味↓