女神配對計劃丨兩對人氣CP被野生捕獲拍拖斷正？約會拖手甜蜜畫面曝光：「一齊咗啦？」
TVB真人騷戀綜《女神配對計劃》已經播放約一半集數，而早前亦拍攝了大結局集數。節目中討論度最高的兩對一定是曾展望（GM）與葉蒨文（Sophie）及羅毓儀（Yuki）與林俊其（Kris）日前這兩對高人氣CP分別再被網民捕獲約會，莫非在大結局前已經有情人終成眷屬？
林俊其羅毓儀再被捕獲約會
而另一對人氣CP林俊其與羅毓儀亦被網民捕獲一同搭地鐵，片中見二人姿態親暱，該網民亦表示：「yuki同kris😭😭本身望左勁耐都唔firm最後佢地起身落車先望清楚firm😻😻到底一齊左未🥹拍完大結局三日就一齊出街」繼早被拍攝在街頭拖手後，再被斷正約會，令不少網民猜測二人已經正式在一起。
葉蒨文曾展望溜冰約會
葉蒨文與曾展望早前在颱風韋帕襲港期間，被傳媒拍攝到睇戲拍拖。而日前再有網民在小紅書發文表示偶遇二人在溜冰場約會，相中可見，GM身穿黑色上衣及白色長褲，而Sophie就一身白色蕾絲裙裝，看起來有幾分情侶裝的感覺，GM乖乖站在Sophie身後。另一張相中就見二人手牽手溜冰，畫面十分甜蜜！
網民大讚：太配了！
畫面曝光後亦引來大批網民討論，大讚二人合襯：「哇，滿足喇滿足喇」、「希望真係在一起了」、「呢個大結局我好滿意」、「在一起在一起，兩人太配了」、「cp粉表示巧開心」；不過亦有人指他們的衣服與拍攝的相同，可能只是在拍攝《女神配對計劃》：「睇佢地套衫似拍緊野」、「似係拍攝中」、「應該是最後的單對單約會」
GM Sophie（GS）眾望所歸同房過夜
葉蒨文與曾展望（GS CP）一向以可愛又搞笑見稱，面對製作組的「同床」或「不同床」的難題，Sophie竟想到猜包剪揼解決！GM只問了一句：「咁你出咩？」即氹得Sophie展現如花笑意；期間佻皮的GM還故意與Sophie一起出揼，令Sophie囉囉攣！最終GM雖刻意輸給Sophie，但仍不忘口花花指自己瞓地下「驚風濕」，逗得Sophie甜笑寸GM：「幾多歲呀你？！」散播不少「粉紅泡泡」！
GM為博與女神同床玩完「賴皮包剪揼」再扮風濕
GM事後接受製作組訪問，坦言能與Sophie同房兼有機會同床大感興奮：「我鍾意嘅人，我一定開心。如果我話我好驚，『唉呀！唔好呀！男女授授不親』，咁好假啦，但我主要擔心佢會唔會（覺得）唔舒服咯。」除了GS同房的甜蜜點滴值得期待，坦蕩蕩的Sophie還會在鏡頭面前展現素顏＋「熊貓就寢」look，Cutie度爆燈。
盤點GM花式氹Sophie奇招
雖然Sophie明顯情傾GM，但GM依然未有「怠慢」、連環爆發小宇宙花式氹爆女神。在同房前的一對一熱身賽中，GS需合作猜題目！原本與Sophie合拍到爆、一估即中的GM，去到「十指緊扣」這條題目時，即詐傻扮懵，任憑Sophie如何扭六壬將GM手指舞來舞去，GM依然智商急降亂答一通：「雙手合十」、「祈求天父」！GM的賴皮，獲現場女神及閨密花生團一致噓爆：「扮嘢啦你」、「專登嘅」。
「扮蠢十指緊扣」勁出位
冇晒符的Sophie最終只能捉緊GM其中一隻手來個真‧十指緊扣，引發全場歡呼，GM更是得戚冧樣盡出。事後Sophie冧豬樣直指覺得與GM很夾：「我哋拍劇嗰陣已經一拍即合架喇，我覺我同GM係天生有默契」，說畢還Bling Bling讚爆GM：「GM叻叻呀！」
葉蒨文呷醋質問曾展望同其他人太親密
在玩另一個遊戲時，Maggie突然指想睇Sophie呷醋樣，Sophie隨即引爆：「咪呷醋咗好多次咯今日」，火勢更瞬間蔓延演變至「質問」GM：「今日Maggie晏晝喺嗰邊枱幫你撥頭髮，你見唔見到我望咗過嚟呀？」
GM用一招神化解危機
感覺到氣息不對的GM，火速四両撥千斤謂：「你（梁敏巧）做咩幫我撥頭髮唔同我講呀，點解我唔知嘅？！」、「我以後寧願畀蟲咬，在場女士唔好幫我撥！」、「一係你以後大力啲一巴冚埋嚟。」
面對GM輕鬆地無厘正經帶過難題，關嘉敏大表佩服：「佢咁樣答，根本嬲佢唔落。」李芷晴則直指GM擁有Sophie喜歡的風趣特質，全場大讚二人夾到痺。
葉蒨文曾展望同房過夜屢遭對手打擾
最新一集中，葉蒨文（Sophie）與曾展望（GM）迎來同房過夜的甜蜜環節，面對房內僅有一張大床的難題，Sophie提出以「包剪揼」來決定是否同床，GM則使出渾身解數，先是甜言蜜語，後又故意輸掉遊戲，並以「驚風濕」為由撒嬌，逗得Sophie甜笑連連。
阿Him Eddie輪流亂入阻住GM與女神過夜
GM事後受訪時坦承，能與心儀對象同房讓他感到相當興奮。不過，GM還要面對阿Him與Eddie強攻！在GM與Sophie同房期間，阿Him與Eddie輪流主動約會Sophie，雖然GM表面OK，但內心不無擔憂，更搞笑扮扯火謂：「搵夠Sophie未呀？！有咩傾下次搵埋我一齊傾吖嘛。」
港生活人氣娛樂新聞
↓【限時搶⚡】laCOOL彈白飲↓
↓15天彈 ．潤．白↓
《U GO必去榜》4️⃣大TOP2️⃣0️⃣榜單出爐🎉！
立即睇👀港人熱推演唱會／活動展覽／人氣自助餐／打卡Café😍
假日好去處