連詩雅自揭與陳家樂甜蜜交往經過 拍拖兩年因一舉動決定付託終生結婚

自揭甜蜜拍拖經過

Shiga指當初夥陳家樂赴韓國拍《12個夏天》時，二人當時都各有伴侶沒想太多。及至翌年陳家樂邀請她上網上節目《三夫當關》，適逢二人同時回復單身才開始約會。談及陳家樂最初吸引她的原因，她說：「係純品，有咁上下樣貌嘅男仔，多數係花花公子。但佢反差好大，好old school style。係夜晚要聽收音機瞓，朝早飲茶睇報紙嗰啲！佢叫飯可以日日食同一款男人飯，同我最初想像嗰啲男人好唔同。而佢仲有種傻氣，我亦欣賞佢嘅傻氣，畀到我穩定、同佢一齊好有安全感。」

+2

點擊圖片放大

大讚陳家樂浪漫

Shiga形容陳家樂的浪漫就是給她放心，「對於我，就係好浪漫。譬如佢去邊，他會自動自覺話：『我到喇！我做緊乜呀！』我從來無話要check住佢，但係佢好願意分享畀我聽，我就覺得好浪漫。」

+4

+3

點擊圖片放大

拍拖兩年因一舉動決定付託終生

拍拖兩年已讓她感覺陳家樂能付託終生，原來是源於二人曾因疫情分隔兩地三個月。Shiga說：「我超級討厭Long D，但疫情最嚴重嘅時候，我好矛盾要返內地拍劇三個月。但嗰三個月，佢令我完全放心，嗰時我哋靠facetime見，佢會特登約我拍完劇各自返到屋企，一齊打開facetime食飯，臨瞓又開住facetime揀一套戲一齊睇。真心覺得佢唔使做呢啲嘢，但係咁，佢就令我好安心。佢知我係一個缺乏安全感嘅人，佢就畀呢樣嘢我，而佢咁有耐性做呢件事，就令我諗到佢係一個可以結婚嘅對象。」

+2

點擊圖片放大

連詩雅陳家樂囡囡一歲生日

近日是連詩雅陳家樂愛情結晶Camila的一歲生日，Shiga亦藉著這個幾會與囡囡及老公一起拍攝全家福寫真。相中可見Camila身穿粉紅色裙子，戴上蝴蝶結頭帶，被Shiga抱在懷中，而爸爸陳家樂則是捧著蛋糕。Camila更伸出舌頭，擺出搞鬼可愛表情，五官與性格都十足十爸爸陳家樂！

+7

+6

點擊圖片放大

Shiga撰長文感慨：永遠愛你！

Shiga亦撰長文感慨Camila的出現改變了自己：「To Our Dearest Camila⭐️1歲生日快樂，我哋嘅心肝寶貝。多謝你揀咗我哋做你嘅爸爸媽媽，呢一年因為有你，每一日都甜到漏💛你嘅笑聲教我哋咩係幸福，你嘅眼淚教我哋更勇敢，連你半夜喊醒我哋嘅時刻，而家諗返都變成咗最可愛嘅回憶😝你嘅出現，等我哋成咗更好嘅大人。永遠愛你，muahhhhhhh❤️」

+7

+6

點擊圖片放大

網民大讚：得意到暈！

不少網民除了留言祝福Camila外，亦大讚她十分可愛：「小小女神Cute到爆😍」、「 好鍾意嘟嘴😍 Cute!!」、「嘟嘟嘴成為招牌動作🩷🩷🩷」、「星星真的好可愛啊 Camila happy birthday」、「好多表情好得意😊」、「星星真系好得意😍繼續睇佢繼續得意❤️happy birthday baby👏」、「得意到暈 願健康快樂成長❤️❤️」

+7

+6

點擊圖片放大

連詩雅陳家樂罕曬全家福！

陳家樂在社交平台上分享與太太Shiga以及女兒Camila的家庭照，並留言寫下，「兩周年快樂，一日戰友一世戰友。#收到支咁貴既結他好有壓力#希望有朝一日係台上面幫你伴奏」見到家庭照的Shiga以淡妝示人，皮膚非常緊致，少女味十足。而另一張相則是夫婦一齊去做運動的照片。不過最搶眼還是Shiga購買的名貴禮物，並非奢華的手錶或波鞋，而是名牌結他一支，讓陳家樂非常感動，並直言希望將來有天可以為太太伴奏，十分浪漫。

+13

+12

點擊圖片放大

Shiga透露：有意再生小朋友！

Shiga去年7月誕下愛女Camila後，成功在3個月內極速修身後就火速重投工作，同時在去年11月宣布與TVB結束6年合作正式約滿。當被問到會否為家庭增添成員時，Shiga透露有意再生小朋友，但不會是今年的事，因為希望趁女兒仍年紀小可以與老公二人世界旅行。

+15

+14

點擊圖片放大

連詩雅激罕性感貼內衣照

連詩雅自從誕下囡囡Camila後，便努力修身，身材比未生B前更Fit，上圍更是大升級愈來愈豐滿。日前她就激罕在社交平台貼出性感照，兩款內衣造型，大晒零贅肉身材！相中可見，Shiga身穿一套墨綠色DeepV蕾絲透視裙，披上白色絲質襯衫，大晒深長事業線，火辣程度爆鱸，姣好身材表露無遺！

+8

+7

點擊圖片放大

連詩雅上圍大升級

而另一套則是天藍色內衣，不過Shiga亦有在外面穿上襯衫，但仍不減惹火程度，輕輕一夾已經有3寸深溝！其實當日Shiga是出席一個內衣品牌的活動，被問到老公陳家樂會否對她的性感打扮不滿，Shiga就表示其實在出門前家樂亦有問，不過得知是工作需要後，亦只是表示「哦」，Shiga亦開玩笑指自己穿什麼都會迫家樂鍾意。

+8

+7

點擊圖片放大