健康新聞報道｜吳幸美勇者無懼安裝血糖監測儀 第一身實測3cm長針拮入手臂
無綫全新綜藝資訊節目《健康新聞報道》由區永權、何沛珈、王嘉慧、吳幸美擔任主持，節目破天荒以新聞報道形式，網羅世界各地最熱門／最新健康新聞及事件，雲集過百位醫生／專家，為大家加以探討及分析大小健康資訊。「死因研究所所長」及「健康測試室室長」吳幸美，會繼續秉持「乜都夠膽試」態度、化身「測試勇者」接受各類型健康測試，拆解致命病因及健康秘訣。
「測試勇者」吳幸美再度「捐軀」安裝血糖監測儀
當年因拍攝《東張西望》試飲「斷片酒」人氣急升的吳幸美，在今晚（12日）播出的第二集，為了測試空肚食大量荔枝是否真的會引致血糖低，除預先空肚八小時，還在手臂上裝了「連續血糖監測儀」，方便測試進食荔枝後、及荔枝在身體逗留了一段時間後的血糖反應。據知，「連續血糖監測儀」望落雖無甚特別，但內裏的針長長度至少3厘米，要拮入手臂自然有一定痛楚。
親述3cm長針拮入手臂後第一身感受
吳幸美透露雖然監察儀針有一定長度，但其實拮入手臂時並不算痛，反而是移除時最為疼痛，幸美說：「因為如果要做呢個測試，淨係篤手指一日都要篤八次，我覺得仲恐怖，咁不如捱一吓痛嘅好過。最搞笑係，我嗰日去咗女導演嘅屋企搵佢幫我打，佢幫我打時手都震埋。其實打落去嗰吓唔算好痛，掹出嚟嗰吓先係最痛。」、「支針大概停留咗喺手臂兩日左右，而我除嗰陣可能冇特別搽啲乜，結果一掹完出嚟就係咁標血同埋有個窿。」
「我今次捱咗痛，但可以為糖尿病人做到啲嘢，我覺得好有意義。」
雖然「肉痛」，但幸美坦言完成測試後的感覺是興奮多於一切：「我今次捱咗痛，但可以為糖尿病人做到啲嘢出嚟，我覺得好有意義。至少有個人辦，幫佢哋攞到有用同貼身嘅資訊。」幸美又透露是次測試難忘程度媲美當年飲「斷片酒」：「衛生署買咗條斷片酒嘅片嚟播，我覺得好有教育意義架。」
談到要在像真度高的停屍間及手術室進行拍攝，幸美笑言「回憶返晒嚟」，皆因她當年拍攝《法證先鋒》系列時，正是飾演歐陽震華的助手Kelly！「呢個節目製作真係好認真，停屍間嘅櫃桶係可以拉出嚟。」
「健康女神」AI Sammi被指似張曦雯X朱晨麗
節目另一特色，是加入了「健康女神」AI Sammi衝出香港、在全球不同地方為觀眾報道各類型與健康有關的新聞、破解事件主角終極死亡真相。而無綫首推AI女主持Sammi，亦成功引起了網民的關注，有網民留言指Sammi似張曦雯及朱晨麗混合體！
港生活人氣娛樂新聞
↓【限時搶⚡】卡樂B香烤魷魚味波浪薯片↓
↓獨特魷魚味半融粒粒｜咸鮮味逼人↓
↓【請您玩💌】LOST全新LEGO® NINJAGO®密室逃脫🏃！
↓重演《旋風忍者 龍之崛起》場景🥷🏻雙人門票玩咩密室都得😎↓
假日好去處