麻雀樂團丨Patrick Sir林溥來首演變態殺人狂 陰森眼神勁搶！兩個月內激減15磅

盡量唔望人正面幫助投入角色

雖然Patrick Sir加入拍劇行列後以奸成名，但飾演變態殺人狂還是第一次！昨晚，楊堅跟蹤鐵姐（李佳芯飾）上電車，Patrick Sir將頭靠向李佳芯秀髮、再閉眼作享受狀深深吸入一口氣一幕，配以滿足又陰森的笑容，令人不寒而慄。談到首演變態殺人狂，出名認真又專業的Patrick Sir事前做足準備功夫。

兩個月內激減15磅

由於楊堅性格帶點偏執，為突出相關感覺，本身已是瘦底的Patrick Sir刻意花了兩個月時間激減15磅。Patrick Sir接受官方訪問時說：「我係特登令自己睇落偏瘦少少，希望望落去Nerdy（書呆子）啲同偏執啲，個髮型同眼鏡都係想突出個木納同陰沉感。」Patrick Sir續指由於角色有所難度及挑戰性，故在片場亦不敢像平時般與其他人傾偈：「今次我主要自己坐埋一邊、冇同人傾偈，靜靜地令自己進入個角色。望人都唔係正面望而係背後望，練習下啲眼神，呢樣嘢都幾幫到自己演繹。」

+5

+4

點擊圖片放大

為《麻雀》獻出多個第一次

除首演變態殺人狂，Patrick Sir今次還首度挑戰動作場面，除前晚與庭鋒的後巷追逐及打鬥戲，稍後還會與譚俊彥上演連場激戰，值得期待。談到後巷肉搏戲，Patrick Sir笑言與庭鋒打到半死：「拍嘅時候好熱，所以都辛苦，我喺呢度劇都算做咗好多之前做唔到嘅嘢。好彩我哋本身都係運動底，庭鋒踢波、我就打籃球，總括而言，今次係打得好爽、跑得好甘！」

+4

+3

點擊圖片放大

 預告影響譚俊彥＋李佳芯後續關係

Patrick Sir又大讚《麻雀樂團》是用心之作：「好開心身邊好多朋友都鍾意睇，話好入屋、好豐富，溫情得嚟又有啲驚慄。」並搞笑預告自己角色將大大影響譚俊彥與李佳芯劇中關係。

網民勁Buy「金晴CP」：睇得非常開心，心靈治療

39歲的謝東閔雖然與26歲的敏芝相差足足13年，但二人首度合演情侶不但零違和，更獲盛讚默契十足兼極有喜感，齊齊獲封「劇集MVP」。網民：「閔大人晴晴依條線勁正」、「閔大人好好笑」、「程晴得意，可愛，清純」、「呢對情侶好合襯，又搞笑又可愛！睇得我非常開心，心靈治療」、「加埋好有喜感」、「胡謝兩人演得太好」、「17.5的緣份」、「謝東閔呢套劇個角色好討好，完全演繹到天才藝術家嗰種脫俗嘅傻氣」、「謝東閔幾靚仔，有啲角度似張東健」。

+8

+7

點擊圖片放大

胡敏芝激減10磅擊退Baby Face襯番謝東閔

為了和謝東閔更合襯，原本已很纖瘦的胡敏芝開劇前刻意減肥10磅（由原本45kg減至40kg）、擊走Baby Fat+Baby Face，務求看上去與謝東閔更合襯。初試啼聲升呢女3的Karen、憑藉入型入格演出及可愛清純樣子成功入屋，獲網民力推提名女飛躍之餘、還被封為青春Icon區明妙及羅毓儀勁敵。網民：「Karen真係好得意，入屋度大大提升」、「胡敏芝本身就精靈，但樣子就天然純，沒有半點造作」、「路小小和明妙的御用學生妹地位有對手」。

+5

+4

點擊圖片放大

談到與謝東閔最難忘一幕，胡敏芝透露是獻出「螢幕初吻」一幕：「其實嗰場戲，謝東閔孭住我行條斜路行咗好耐，拍完佢成個背脊濕哂。同埋呢場戲其實我足足錫咗謝東閔五次，因為我一係錫得太輕力、一係錫得唔夠耐，都辛苦佢。」

+4

+3

點擊圖片放大

郭柏妍孖黃庭鋒獲封「高顏值正氣CP」

至於「明朗CP」，則獲推舉為「高顏值正氣CP」：「黃庭鋒郭柏妍同框真心賞心悅目，靚仔靚女仲要兩個都正氣。」昨晚一集，程朗出盡板斧鼓勵家明面試大提琴，最終發現家明原來信心不足…該幕庭鋒與郭柏妍多個同框畫面均極具觀賞價值之餘，還散發著濃濃的青春氣息，看得人相當舒服！而出場後被批「只懂眼碌碌」的郭柏妍，昨晚的忍淚戲不但演繹自然、而且委屈樣子更是我見猶憐，成功引起關注。

+7

+6

點擊圖片放大

李佳芯復刻《智能愛人》阿寶經典場口

而李佳芯與譚俊彥不但默契十足，互動更是愉快又溫馨！在天台談心一幕，譚俊彥無端端扮鬼嚇Ali、嚇到Ali大叫兼笑住低吼揼腳，原本已顯得Ali相當可愛；之後譚俊彥向Ali傾訴完晴朗的身世後、著Ali保密時，Ali先是可愛地閉起雙眼、以手指扮槍指向頭、之後垂頭裝作中槍死亡的她、以機械聲說出：「我已經delete晒喇！」令不少網民勾起《智能愛人》的經典台辭：「如確定，請說確定」。在場口火力全開的Ali，最後更爽性百分百投入扮失憶，可愛度爆燈，難怪網民激讚Ali睇極唔厭：「Ali好得意，42歲都咁正。」

+5

+4

點擊圖片放大

李佳芯譚俊彥審謝東閔場口「神合拍」

另外，Ali與譚俊彥夾手夾腳盤問謝東閔一幕亦相當搞笑，二人全程默契十足的一人一句「逼供」謝東閔，表面明明笑晒口兼客客氣氣，但配以鏡頭角度、陰森燈光以及同樣「入戲」的生果刀及蘋果，令整個場口有種搞笑又可怕的壓逼感，再加上謝東閔傻氣十足、兼嚇到嘴都震埋的搞笑演繹，相當Impressive！

+6

+5

點擊圖片放大

李佳芯譚俊彥獲讚最佳拍檔

有《麻雀樂團》忠粉大讚Ali與譚俊彥相當合拍，更有網民指Ali是「萬能女主角」，無論Part邊位男藝人，都能令對方生色不少，相當厲害！網民：「緊張大師遇著賴皮阿叔，激都激死」、「好多位我都笑得出，兩個都演得好放」、「Shaun合作過好多女藝人，睇嚟Ali似係同佢最合拍」、「Ali真係好演員，拍陳豪好夾，今次拍譚仔一樣夾」。

+3

+2

點擊圖片放大