考公務員如唐三藏取西經？港人呻過程長「等到餓死」網民反應兩極：入到去就hea？

投考公務員如同「唐三藏取西經」？

一名網友於連登討論區發帖，以「我發現投考公務員嘅過程其實都幾漫長」為題分享自己的投考經歷。他在文中提到，無論是報考紀律部隊還是政府文職職位，都需要經過多輪考試和面試，「投考過程都幾漫長，要過五關斬六將咁」。即使一切順利，最快也要到下一年才能正式入職，與私人工的聘用流程截然不同。

樓主續指，整個等待過程漫長且煎熬，如同「唐三藏取西經」一樣艱難。即使最終未被取錄，往往亦需長時間等候通知，「一日未正式通知你Fail，出Fail電郵都未係玩完，仲係繼續緊」，他無奈地說：「完全唔做嘢，一味淨係等考公務員結果，真係可以餓死了」。

網民鼓勵：入到去就可以hea

不少網民鼓勵樓主繼續努力，認為只要成功入職，便可享受穩定的薪酬和長假福利，「加油，入到去就可以hea，辛苦嘅只有入到去之前」、「唔會比人炒，又唔會減人工，做到一pat屎都照跳point咁都唔hea？」、「值得架，入到去淨逗人工，出面死人冧樓打仗照跳point」。亦有人建議樓主可「加入外賣師」，或一邊工作一邊投考公務員，以減輕其經濟壓力。

▼網民留言▼

+3

+2

點擊圖片放大

公務員唔再hea？網民稱福利大不如前...

不過，有網民則留言反駁，指公務員根本談不上是「hea工」，即使成功入職，也未必如預期般穩定輕鬆，需經歷三年試用期、三年合約期，期間評核嚴格，有人直言「好多人入到去發現自己唔適應主動離開」、「做做下就失去考公務員既興趣」。

亦有人質疑公務員福利已大不如前，以醫療為例，公務員及其家屬僅享有免費急症、街症及牙科等基本服務，「大病又係同普通市民一樣，要靠買醫保睇私家」，甚至更有留言笑言：「跳point賺多既錢都去咗訂水」。

▼網民留言▼

+8

+7

點擊圖片放大

樓主回應：一早已經加入外賣師

對於網民建議，樓主亦有留言回應，表示自己早已加入外賣行列，雖然平日訂單不多，但勝在時間彈性大，「想做就做，邊做邊漫長等待就最一流」。他亦認同網民所說的「塞幾多次都要塞到自己入去」，表示公務員工作穩定，毋須擔心中年危機，大讚「憑呢點真係性價比高」。

來源：連登討論區