19歲姚焯菲親認從未拍過拖「唔算係一段關係」 罕談理想型非周嘉洛、MC、Tiger
去年姚焯菲（Chantel）於紐西蘭完成兩年高中課程，今年9月她將滿19歲並入讀大學。Chantel為最新派台歌《KMC》接受電台節目《星光背後》專訪，一如她的新歌《KMC》寓意要做自己。節目中，Chantel親證本已獲香港兩所大學取錄，至於為何不理公司反對赴美國再走，她說：「有啲嘢我認為啱嘅就要去做！」
Chantel赴美國繼續升學
Chantel坦言考慮了一段日子才決定赴美國繼續升學，對於消息指本地港大及科大均已取錄她，她說：「係！」至於為可不入讀本土名校，她說這次不關父母事，「佢哋反而想我留響香港，近返啲屋企。好坦白，我都考慮過，差啲就留返響度。但認真諗咗好耐，不斷同屋企人商量，因為香港無呢個課程，我真係好想讀Music Business。想知呢行點運作，又有law、音樂製作同巿場學，呢一行我想知嘅嘢都有得讀，對將來好有用。」
不理公司TVB反對
Chantel指父母這回選擇尊重她長大後的決定，至於公司TVB必然反對，她說：「哈！又唔好咁講，反對聲音一定有，我相信你都會愕然，但有啲嘢我認為啱嘅就要去做！」不為名利沖昏頭腦外，Chantel亦不擔心娛樂圈或粉絲善忘。她承諾一如過去兩年離港，未來四年赴美讀大學，一有休假就會回港全心投入工作及出歌。
為學業拒絕追求者
Chantel自認專注力強，在紐西蘭兩年曾為免影響學業而拒絕追求者，「係有追求者出現，對方唔係咁直接示愛，但我哋不斷有傾偈，會感覺到。但我唔係咁想回應對方，就係因為讀書嘅關係，我唔想有任何因素影響我認為最重要嘅讀書。當我好想做好音樂同讀書嘅時候，我會不顧一切做好，會怕其他嘢影響到，好自然會push away。」
未試過拍拖 罕談理想對象條件
快19歲的Chantel指自己未算有過一段真正男女朋友關係，「試過好細個拖吓手，但唔算係一段關係。」談到理想對象的條件及對戀愛憧憬，她說：「條件係唔可以細過我，細個會夢想好後生廿歲頭就結婚，但得返幾年要重新諗過，希望30歲啦！」她重申入行後，父母都沒有禁止她拍拖，「爹哋媽咪無特別反對，佢哋知我目標，或者再大啲，我仍然係呢個諗法，到時或者會擔心我無拖拍，哈哈！」
直言張天賦、Tiger、周嘉洛不是理想對象
這次回港先後跟多位圈中男神，包括張天賦、Tiger@MIRROR及周嘉洛合作，問Chantel哪一位是她的理想對象，她說：「哈！佢哋都未必係我理想類型，但每個人都有佢嘅charm。首先MC佢唱歌真係非常好聽，好值得欣賞；Tiger係比較靜嘅人，我鍾意啲人唔會太嘈，呢方面佢都幾好；周嘉洛就好嘈，但佢好搞笑好幽默，我幾鍾意同佢講笑，佢會搞好多爛gag，令到拍《愛回家》成個氛圍好好。」
姚焯菲被問失戀經驗展現謎之微笑
今集周國豐及支嚳儀就「失戀」及「暑期工」兩個話題向兩位嘉賓作出搞笑提問，周國豐問18歲的Chantel有否試過失戀時，Chantel第一反應竟是傻笑兼帶點尷尬青澀，同場的顏志恒、顏米羔及黃劍文即時忍不住哈哈大笑，周國豐亦笑言Chantel「呢個笑容」可圈可點。Chantel之後透露覺得自己沒有失過戀，並直豎食指裝作有霸氣地一再強調：「我覺得我未經歷過呢樣嘢！」
姚焯菲大方公開喜歡男仔類型
不過，Chantel就坦承試過暗戀男同學，並笑言當時暗戀得相當低調：「一開始都唔敢同朋友講，因為會好驚，你知嗰啲推嚟推去，叫你『去啦去啦！』，好驚呢啲。」又大方公開喜歡男仔類型：「其實我鍾意比較靜嘅人。」以及「我一定要由朋友開始。」
Chantel自揭是睡寶寶習慣早瞓
談到暑期工話題，Chantel透露現時的工作正是她的暑期工，並自揭自己是睡寶寶，所以這份暑期工最難的地方是捱夜：「我係習慣好早瞓嘅人。（睡寶寶？）我係，去到好夜嘅時候我會開始發呆，我會唔講嘢，咁大家就會『死喇，佢要瞓覺喇…』。」至於顏志恒的唯一一次暑期工，則是在酒樓工作，他直指當時不但煮飯（皆因是大鑊飯）很大工程，每日更要花費大量氣力及要眼明手快。想知更多詳情，及親眼目擊Chantel多到滿瀉的甜美可愛笑容，敬請期待本周日晚播出的《今晚有歌廳》。
姚焯菲首次參演音樂劇《三八》
Chantel穩定的發揮、響亮又清晰的聲線，加上甜美歌聲演繹《戀愛預告》、《初心小島》、《Will you be my love》等歌曲，令不少初次接觸Chantel的觀眾，對她刮目相看。感性的Chantel，在昨日的最後一場演出完結後，想到要暫別台前幕後與她並肩作戰了兩個月的伙伴，不禁激動落淚，台下不少觀眾亦被《三。八》的故事感動，紛紛落淚！
姚焯菲與Tiger 邱傲然合作
是次音樂劇亦是一次難得的跨界合作：TVB《聲夢傳奇》選秀出身的Chantel，除了與ViuTV《全民造星》出身的Mirror成員Tiger 邱傲然有大量對手戲，更與女團Collar成員Winka陳泳伽、吳啟洋、連詩雅等來自不同公司的藝人合作，建立起友誼。在是次跨界合作中，有不少觀眾，尤其是其他明星的粉絲，均是首次觀看Chantel的現場表演。
監製監製Chantel是首選
陳恩碩監製更於謝幕期間監製，在一年多前開始籌備這套音樂劇時，Chantel就已是演出這角色的首選人選，而Chantel在劇中與「死神」Tiger的大量對手戲，中後場次「死神」更輕吻Chantel額頭，令觀眾心跳加速之餘，紛紛留言「支持菲虎！」、「睇到沉曬船！」
姚焯菲生圖好身材吸引逾廿萬views
姚焯菲在參加《聲夢傳奇》初時就因清純外貌被網民封為新一代「國民初戀」，不過後來因身型變圓潤，而被指外貌跌watt。而日前Chantel在旺角出席品牌宣傳，就被網民拍下無濾鏡生圖，曝光真實樣貌。相中可見紮起馬尾的Chantel身穿白色上衣，緊身的設計突顯一副好身材，相關貼文更加吸引逾廿萬views。
Chantel激讚似阿嬌鍾欣潼？
就算面對頂光「死亡光線」，Chantel看起來依然青春洋溢、朝氣蓬勃！雖然早前曾被指身型變圓潤，今次的生圖亦可以看得出Chantel清減不少，就算面上有少許babyfat亦無損美貌，更有網民讚似「神顏」阿嬌鍾欣潼，「有啲似阿嬌」、「真·暴風成長」、「大個咗好多」、「菲菲青春靚女😍」、「睇嚟減肥成功🤣」、「大個女左，皮膚好靚」。
姚焯菲意外曝光半山千萬豪宅
姚焯菲早前在家中客廳自彈自唱拍片，讓一眾粉絲大飽耳福，不過就意外曝光半山千萬豪宅內貌。從片段所見，Chantel家中裝修走簡約風格，以白色與木色為主調，而且客廳非常寬敞，即使放了一部鋼琴，依然有極多空間。Chantel家境富裕，有指她與家人居住的是位於葵涌半山, 價值2000萬元、面積達1500呎的豪宅單位。
來源：threads
港生活人氣娛樂新聞
【招募毛孩】請您食 Whiskers N Paws「寵物零食套裝」!
↓【限時搶⚡】明色藥用美白抗皺W系列↓
↓一本三效｜美白、保濕、抗皺↓
假日好去處