港婦呻黑工外勞搶飯碗 人工跌80%！老公身體差遭裁員百上加斤！網民籲放低身段：轉行好過無收入

中年港婦呻搵工難：人工跌80%

一名自稱年過40歲的女網友於「香港討論區」發帖，直言近年香港找工作愈見艱難，即使成功獲聘，薪酬亦大幅下調，「搵到工但人工已低80%」。她指出，目前高層職位多由「內地專才」壟斷，中低層工種則被外勞搶佔，更批評香港僱主唯利是圖，壓低人力成本，令本地求職者陷入就業困境，「香港最多無良僱主，佢哋仲唔滿足，仲要搵大量黑工」。

經濟壓力倍增 老公因健康轉差突遭解僱...

樓主補充，指其丈夫年過50歲，一直有穩定工作，但在健康突然轉差後被公司解僱，「佢一直以為自己唔會失業，點知突然身體差咗就畀人炒」。她又預計來年將大幅調高藥費，更令家中財政壓力雪上加霜，她慨嘆：「年齡大，搵工難，身體差病痛多，下年開始仲要加藥費6倍增價錢，百上加斤」。

翻查樓主過往帖文，她多年從事白領文職工作，於2023年前月薪高達$25,000。但自從舊公司結業，她被迫轉工後，薪酬亦大幅下滑，「連20K都搵唔到」，目前月薪僅得$16,000。

延伸閱讀：40歲OL港女接政府面試信 2個原因猶豫應否去見工？網友：鐵飯碗你都唔要？

網民深有同感：呢個時勢乜都難

帖文引起熱烈討論，不少人對樓主的處境表示同情，認為香港社會對中高齡打工仔越來越苛刻。有同路人留言表示「呢個時勢乜都難」，並分享自己的親身經歷，「我都40，原本搵16K，今個月去面試時被壓到12K，都要做住先」。

有人批評：「有冇檢討過自己值唔值呢個價？」

不過，亦有不少網民持不同意見，批評樓主只會抱怨、不思進取，「賴天賴地！做左幾十年人都冇上進過被淘汰係應該嘅」、「同意！佢怨左好耐，份人一d都唔腳踏實地，所有野都政府錯」，甚至直言「庸才去邊度都係庸才」。

有網民質疑樓主曾提到收入由$25,000跌至$16,000的說法不合常理，「點計都唔係少咗八成」，並批評其中文、數學水平不足，難怪找工作受阻。另有留言指出，現時香港仍有不少工種難請人，只是港人「揀工做」，才導致政府需輸入外勞，「辛苦又不做，錢少又不做」。

▼網民點睇▼

+10

+9

點擊圖片放大

樓主親自回應質疑：人工的確越來越低

面對網民質疑，樓主亦補充回應，澄清自己並非誇大收入跌幅，「少成萬！雖然比喻誇張啲，但的確因為外勞人工越來越低」。她又透露，若老公願意做保安反而「唔駛頭痛」，只怪對方長期「坐唔定」，加上身體突然變差、面臨中年失業，導致情緒受影響，她直言「佢情緒唔太好」。

對此，有網民則回應「咁就唔係搵唔到工，而係搵唔到佢想要嘅工」，同時亦提醒樓主要面對現實，鼓勵老公放低身段轉行，「唔好再怨，叫老公轉行揾份九碼看更做下，好過冇收入」。

來源：香港討論區