麻雀樂團｜林溥來拍攝時壓力大要催眠自己 飲李佳芯口水尾演變態雨夜屠夫贏迴響

盤點Patrick Sir變態場口 雨夜屠夫贏迴響

一出場已吸獲不少關注的林溥來Patrick Sir，本周的「變態放題」更令人眼前一亮。除獲劇組刻意拍攝多個有Feel到極的陰森表情Close up，拿起Ali飲過的水杯「隔空錫錫」、鬼上身般鬧爆阿Shuan賤人、「雨夜屠夫」造型＋病態笑容向Ali打招呼、情緒大暴走狂質Ali食意粉，及透過汽車倒後鏡向Shaun挑機等，都釋放出一定程度的恐怖感及張力，成結局周前劇集MVP！

+7

+6

點擊圖片放大

讚Ali交足戲幫助入戲

談到劇中陰森表情+眼神到位，Patrick Sir接受官方訪問時笑言自己事前有為角色設計「望人唔眨眼」狀態：「我拍之前就定位咗個角色係隱藏性變態，所以我就設計咗佢望人會望得好深入、望到好似要睇穿晒對方咁，同埋眨眼次數會偏少。」對於在劇中要連番糟質Ali，Patrick Sir坦言壓力很大，感激Ali交足戲幫助他入戲。

+7

+6

點擊圖片放大

催眠自己演變態

透露拍攝時有催眠自己要當Ali是「心愛的玩具」幫助入戲：「Ali好幫到我，譬如我對佢做變態嘢，佢做到好驚嘅反應，咁樣會令我更易入戲。同埋為咗更忘我，我有催眠自己要當Ali係玩具咁過份溺愛。」Patrick Sir續指昨晚與Shaun的打鬥戲，嘴角流出的是真血，足證兩位演員拍攝時相當投入：「嗰吓因為個位錯咗，所以真係爆缸，阿Shaun都好驚猛話唔好意思。開頭以為要聯針，好彩去到醫院醫生話唔太深，可以唔使聯，但笪𤶸都成年先褪咗。」

+7

+6

點擊圖片放大

郭柏妍譚俊彥父女相認戲掀高潮

昨晚一場父女相認戲，譚俊彥與郭柏妍演得出色兼默契十足。由於二人都「愛在心裏口難開」，故食飯初期表現相當尷尬，表情生硬之餘又要夾硬搵話題。但當久哥鼓勵家明勇闖北京發展時，家明先是含淚笑著回應譚俊彥的好意，再眼泛淚光、一臉祈盼及感觸自爆自己就是久哥女兒，並Sweet爆向久哥送上手錶…聽了女兒自白後滿是感動及感觸的久哥，忍著淚說出老懷安慰的一句：「食飯啦，乖女」，家明則一臉幸福回應：「食飯喇，爸爸」，整場戲充斥著溫馨及感染力。

網民喪嗌感動：今晚好多巴打喊咗

之前遭批評演技有待改善的郭柏妍Rosita，這場戲給出了相當不俗的演技，並驚喜地演出了豐富的層次感：由害怕面對現實的驚青徬徨、到硬著頭皮赴會的忐忑與不安、到被感動的百感交集、到鼓起勇氣的自爆、到自爆後的釋懷與感觸、再到釋懷後滿瀉的幸福感，難怪獲讚夠入戲又自然，不少網民指因呢場戲睇到喊，並大讚劇組別具心思的小扭橋位有驚喜「今晚好多巴打喊咗」。

+9

+8

點擊圖片放大

嗌「爸爸」夠投入全因發自內心

除演技有進步，Rosita的「天花板可愛度」亦令劇集生色不少。繼第16集的「可愛醉酒Look」，昨晚Rosita在天台與阿Shaun在天台鬥嗌「爸爸」及「乖女」的一幕，雖然台辭只有簡單的「爸爸」，但Rosita單靠聲線的轉換及不同款的可愛表情，帶出「愈叫愈開心」的興奮感。對此，Rosita受訪時坦言所有嗌「爸爸」的情感表達都是發自內心，並一再感激Shaun戲內戲外都十分照顧自己：「今次好開心同到Shaun做父女，因為真係好難得有一位前輩咁用心同我講每個細微位，同埋每次拍我大頭時，佢會喺側邊畀更多力幫我入戲。」

Rosita忍淚戲獲讚

談到忍淚戲獲讚，Rosita坦言拍攝前超大壓力：「我好驚Roll機時喊唔出，我曾經試過拍喊戲明明之前做咗好多功課，但roll機時就失準，今次好多謝身邊人好幫到我進入個Mood，除咗Shaun，仲要多謝劇組冇畀壓力我，我覺得自己好幸福。」

+8

+7

點擊圖片放大

廖家爵演譚俊彥後生版獲讚神似 

《麻雀》雖然不是大製作，但自播出後累積不少好評，當中監製Marco大膽起用新鮮面孔擔當重要角色更是焦點所在。其中一位發揮機會不少的，是去年「全台力撐潛質男藝人」得主廖家爵。在劇中飾演久哥年青版的廖家爵（Kelvin），與在劇中贏得不少好評的莊易羚飾演小情人/夫妻，二人大量的溫馨互動場口、配以感性動聽的配樂，每次出現均非常浪漫、引起關注，有網民更直指飾演譚俊彥後生版的Kelvin，神態與動作和本尊十分相似！

+7

+6

點擊圖片放大

靠何遠東一句點醒成功掌握角色

談到角色，Kelvin接受官方訪問時，透露起初接到角色時，因監製及導演一句「你真人同角色有啲接近」，令他因為不懂得如何將自己釋放出來、而一直想不到好的演繹方法：「嗰度Kick咗好耐，我諗咗好多方法點樣令自己放鬆同接近個角色，最後一開工嗰種因為Kick得滯，我就諗到請教何遠東。佢幫我諗到不如試吓當呢個係《扮嘢王》，我係模仿阿Shaun嘅，嗰吓我即刻叮一聲。」因為何遠東一句提點，Kelvin不但喪煲《企業強人》，還盡量留意阿Shaun平時的談吐及小動作，幫助自己潛移默化。

感激阿Shaun貼心陪伴渡過情緒難關

談到與阿Shaun合作，Kelvin坦言十分十分感謝對方的陪伴及打氣：「佢真係幫咗我好多，主要係佢嘅陪伴。因為我嗰時屋企發生咗啲事，要一路拍劇一路處理家事，個人比較Down啲，好彩開工時阿Shaun一路陪住我，同埋成日叫我放鬆啲。我記得拍最後一場戲時，佢廠景我外景，佢一完咗自己嘅拍攝，仲特登去我外景度陪我拍埋最後幾場戲，我真係好多謝佢，咁樣陪住我呢段時間。」

+8

+7

點擊圖片放大

網民勁Buy「金晴CP」：睇得非常開心，心靈治療

39歲的謝東閔雖然與26歲的敏芝相差足足13年，但二人首度合演情侶不但零違和，更獲盛讚默契十足兼極有喜感，齊齊獲封「劇集MVP」。網民：「閔大人晴晴依條線勁正」、「閔大人好好笑」、「程晴得意，可愛，清純」、「呢對情侶好合襯，又搞笑又可愛！睇得我非常開心，心靈治療」、「加埋好有喜感」、「胡謝兩人演得太好」、「17.5的緣份」、「謝東閔呢套劇個角色好討好，完全演繹到天才藝術家嗰種脫俗嘅傻氣」、「謝東閔幾靚仔，有啲角度似張東健」。

+8

+7

點擊圖片放大

胡敏芝激減10磅擊退Baby Face襯番謝東閔

為了和謝東閔更合襯，原本已很纖瘦的胡敏芝開劇前刻意減肥10磅（由原本45kg減至40kg）、擊走Baby Fat+Baby Face，務求看上去與謝東閔更合襯。初試啼聲升呢女3的Karen、憑藉入型入格演出及可愛清純樣子成功入屋，獲網民力推提名女飛躍之餘、還被封為青春Icon區明妙及羅毓儀勁敵。網民：「Karen真係好得意，入屋度大大提升」、「胡敏芝本身就精靈，但樣子就天然純，沒有半點造作」、「路小小和明妙的御用學生妹地位有對手」。

+5

+4

點擊圖片放大

談到與謝東閔最難忘一幕，胡敏芝透露是獻出「螢幕初吻」一幕：「其實嗰場戲，謝東閔孭住我行條斜路行咗好耐，拍完佢成個背脊濕哂。同埋呢場戲其實我足足錫咗謝東閔五次，因為我一係錫得太輕力、一係錫得唔夠耐，都辛苦佢。」

+4

+3

點擊圖片放大

郭柏妍孖黃庭鋒獲封「高顏值正氣CP」

至於「明朗CP」，則獲推舉為「高顏值正氣CP」：「黃庭鋒郭柏妍同框真心賞心悅目，靚仔靚女仲要兩個都正氣。」昨晚一集，程朗出盡板斧鼓勵家明面試大提琴，最終發現家明原來信心不足…該幕庭鋒與郭柏妍多個同框畫面均極具觀賞價值之餘，還散發著濃濃的青春氣息，看得人相當舒服！而出場後被批「只懂眼碌碌」的郭柏妍，昨晚的忍淚戲不但演繹自然、而且委屈樣子更是我見猶憐，成功引起關注。

+7

+6

點擊圖片放大

李佳芯復刻《智能愛人》阿寶經典場口

而李佳芯與譚俊彥不但默契十足，互動更是愉快又溫馨！在天台談心一幕，譚俊彥無端端扮鬼嚇Ali、嚇到Ali大叫兼笑住低吼揼腳，原本已顯得Ali相當可愛；之後譚俊彥向Ali傾訴完晴朗的身世後、著Ali保密時，Ali先是可愛地閉起雙眼、以手指扮槍指向頭、之後垂頭裝作中槍死亡的她、以機械聲說出：「我已經delete晒喇！」令不少網民勾起《智能愛人》的經典台辭：「如確定，請說確定」。在場口火力全開的Ali，最後更爽性百分百投入扮失憶，可愛度爆燈，難怪網民激讚Ali睇極唔厭：「Ali好得意，42歲都咁正。」

+5

+4

點擊圖片放大

李佳芯譚俊彥審謝東閔場口「神合拍」

另外，Ali與譚俊彥夾手夾腳盤問謝東閔一幕亦相當搞笑，二人全程默契十足的一人一句「逼供」謝東閔，表面明明笑晒口兼客客氣氣，但配以鏡頭角度、陰森燈光以及同樣「入戲」的生果刀及蘋果，令整個場口有種搞笑又可怕的壓逼感，再加上謝東閔傻氣十足、兼嚇到嘴都震埋的搞笑演繹，相當Impressive！

+6

+5

點擊圖片放大

李佳芯譚俊彥獲讚最佳拍檔

有《麻雀樂團》忠粉大讚Ali與譚俊彥相當合拍，更有網民指Ali是「萬能女主角」，無論Part邊位男藝人，都能令對方生色不少，相當厲害！網民：「緊張大師遇著賴皮阿叔，激都激死」、「好多位我都笑得出，兩個都演得好放」、「Shaun合作過好多女藝人，睇嚟Ali似係同佢最合拍」、「Ali真係好演員，拍陳豪好夾，今次拍譚仔一樣夾」。

+3

+2

點擊圖片放大