吳業坤罕談與日籍太太濱口愛子相識經過 遠距離戀愛相處數個月已計劃結婚

四年前娶日本嬌妻濱口愛子

羨煞不少港男，四年前娶得日本嬌妻濱口愛子( Aiko Hamaguchi )的坤哥，他稱2018年開始學日文絕非為追女仔，主要是因網上認識了一些音樂人有機會談合作並到日本發展，巧合地亦經日本音樂朋友介紹認識愛子，他說：「係緣份，一識佢幾有好感，畀佢好有自己個性吸引，相處好舒服。」坤哥與愛子認識不久後疫情爆發，他坦言幸好有科技，解決long D相思之苦，「long D咗一段長時間，好彩有網上平台，可以facetime一齊睇劇或電影，或者一齊對住個mon飲嘢。」

+6

+5

點擊圖片放大

相處數個月已計劃結婚

他承認婚前二人實際相處時間只是數個月已計劃結婚，「真係幾個月左右，究竟要拍拖幾耐先可以結婚？七年？十年？有啲人三日就結婚！無嘢係絕對，總之我覺得係timing要做呢件事！」再問坤哥怎樣認定愛子是適合他的伴侶，他說：「係佢所有嘢！靚唔靚見仁見智，最重要係佢唔會覺得我係吳業坤，我入行十五年，大家會畀唔同嘅報導或者作品影響對我嘅感觀，而我可以用最本我嘅身份同佢去相處，我唔係講吳業坤係一個好勁嘅人，但係佢就係鍾意我本人，同我真實性格，係好難得。」

+9

+8

點擊圖片放大

感激愛子犧牲日本一切

坤哥感激愛子為他犧牲日本一切陪他來港定居，「求婚前都傾過，佢思想幾傳統，會嫁雞隨雞、會跟老公姓。到講到實體經濟問題，首先我響日本搵唔搵到錢？其次佢嚟香港又會唔會習慣？最後我無得放棄香港事業，所以佢要放棄日本嘅工作。」至於老婆有沒有考慮日本的雙親，他說：「好彩日本年青人同香港人好唔同，日本人好早就離開屋企去東京做嘢，係習慣咗獨立，主要係佢適唔適應嘅問題。」

滑浪比喻初出道爆紅兩年

2010年《巨聲2》入行的坤哥，等了五年才有機會出歌，但一出就爆紅，談等待那五年，他說：「頭五年腦囟未生埋，見Alfred、Jay Fung好快有歌出，成日諗點解機會唔係我，無諗自己有幾唔得！」到爆紅兩年過後，坤哥深深體會何謂長江後浪推前浪，「我成日用滑水形容運，我本身諗住個浪細細地，我會滑得好順暢，但突然嚟咗個超級大浪，我滑到好高亦可以滑到，但我係唔識落番嚟，亦唔識點繼續接下一個浪。當時我嘅技能都唔能夠承接，睇返我以前啲相，又肥、頭髮又亂梳、眼鏡又核突又無突破，點會繼續有人支持我？起跌無得唔接受，唔同我學空手道努力就會有回報。」

+8

+7

點擊圖片放大

吳業坤太太甜蜜打造居家居酒屋 

在今年開設了個人YouTube頻道的愛子，不時都會上載影片分享生活，而日前愛子就公開了一段，在家中打造居家居酒屋的影片。片中愛子在家中製作出各種居酒屋的地道，日本美食，包括炸雞、薯仔沙律、明太子燒飯團等料理，十分厲害。除了大晒廚藝外，愛子更是晒出流利廣東話，全程使用廣東話說明！

+7

+6

點擊圖片放大

拍片公開真實夫妻生活

而吳業坤更是罕見出鏡，愛子見坤哥回家後，便以甜美的聲線用日文表示歡迎：「歡迎回來！」雖然愛子廣東話大有進步，不過二人私下相處仍然是以日文為主。在愛子努力煮食時，坤哥亦發揮幽默本色，躺在梳化上不斷抱怨上菜速度「好慢」、「唔夠（食）」，而愛子就耐心十足表示：「好麻煩的客人！」真實夫妻生活極甜蜜！

+8

+7

點擊圖片放大

吳業坤老婆素顏曝光

不時都會拍片分享生活的愛子，日前在自己的YouTube頻道分享化妝心得，更曝光真實素顏！片中愛子素顏出鏡，面上基本沒有任何瑕疵，皮膚猶如剝殼雞蛋，光滑零毛孔，即便未化妝看起來氣色亦十分好，絕對是素顏美人！而愛子在化妝過程中更不時超近鏡展示，皮膚緊緻有光澤，狀態極佳！

+7

+6

點擊圖片放大

被網民大讚：坤哥執到！

片段曝光後，亦有不少網民大讚愛子素顏都十分漂亮：「好仔細精緻的化妝片 下次拍清潔和護膚的影片吖！」、「化唔化粧都好靚女」、「其實愛子唔化妝都好清秀」、「你皮膚好好！ 點保養？」、「愛子你好靚，皮膚好好！」；亦有人指坤哥「執到」：「坤哥係咪前世成日扶阿婆過馬路」、「做好多善事先娶到咁好嘅老婆」

+10

+9

點擊圖片放大

浜口愛子帶父母貼地遊香港 

早前浜口愛子的父母來港探訪，在港3年的她就擔任導遊，帶父母遊覽香港各地名勝，甚至與他們經歷貼地的港式生活！浜口愛子除了與父母到訪寺廟外，更一同逛逛香港仔街市，浜口愛子不但在IG上分享當時的相片，更以廣東話寫著「香港仔，一個好得意嘅地方🫶🏻因為我爸爸好鍾意釣魚，佢話點都想去。去街市睇到罕見嘅魚都好開心🤣」，流利的廣東話與超強的書寫能力獲不少網民大讚，浜口愛子似乎已非常融入香港的文化！

+8

+7

點擊圖片放大