麻雀樂團丨26歲胡敏芝被爆早已獲幕後睇好潛力 IG人氣急升被推舉加盟《女神配對計劃2》

胡敏芝與謝東閔組CP

昨晚，程晴因為緊張阿Kim但又得不到阿Kim回覆，正當她錄音鬧爆男方時，阿Kim突然化身漢堡包店員向程晴甜言蜜語，胡敏芝（Karen）當下的一個「擋不住的甜笑」，令無數網民陷入冧豬狀態：「金、程CP真係好襯」、「胡小姐同閔大人超正」、「Cute CP」、「呢一個感情線真係好好睇」；並大讚Karen及謝東閔今次演出相當成功！

+6

+5

點擊圖片放大

胡敏芝憑《麻雀樂團》彈出

憑《麻雀樂團》成功彈出的Karen，可塑性相當高，程晴這個角色除了夠晒騰雞及搞笑，結局周的一場食飯喊戲，Karen更喊出了潛力及演技，獲網民大讚喊得自然兼有感染力。不說不知道，原來《麻雀》是Karen的處女電視劇，換言之這場亦是她的幕前處女喊戲。談到喊戲揮灑自如，Karen接受官方訪問時，感激譚俊彥及李佳芯的幫忙。

感激譚俊彥李佳芯教導

並指因《麻雀樂團》是她的家：「呢場戲嗰陣差唔多尾聲喇，大家對咗好多日，真係好有一家人嘅感覺；其實嗰時我見佢哋係多過見自己屋企人 …因為咁氣氛所有嘢喺晒度，就好易代入。今次經驗對我嚟講好寶貴，自己好珍惜今次嘅機會，我其實仲有好多可以改善嘅地方，但想講嘅係，今次真係學咗好多嘢，Shaun（譚俊彥）、Ali（李佳芯）、監製、導演教咗我好多嘢；好多謝監製Marco揀我，因為我係新人，可能好伏架嘛，所以我更加要努力做好件事，因為唔想辜負人哋嘅作品同埋信任。《麻雀樂團》係一個好有愛嘅大家庭，所有人都好好，好多謝《麻雀樂團》畀咗一個家我。」

+5

+4

點擊圖片放大

獲推舉參與《女神配對計劃》第二季 

Marco笑言起初是劇組覺得她與角色perfect match推薦給他，後來覺得胡敏芝果真演得十分好決定加戲給對方。據知憑《麻雀》成功入屋的Karen，除了IG Followers有增長，更獲網民推舉為真人騷《女神配對計劃》第二季熱門候選女神，對此，Karen謙稱：「多謝大家，但我覺得自己唔係女神啦。」

+8

+7

點擊圖片放大

監製預告最後三集有乜睇

對此監製Marco給出重要貼士：「其實最後三集都仲有好多嘢發生架，劇入面嘅角色會繼續遇到大大小小嘅波折喇、繼續會有啲溫馨甜蜜嘢喇，同埋會有條硬線發展出嚟，係關於麻雀行業嘅危機同埋傳承，喺呢方面除咗久哥同鐵姐會面對好大嘅挑戰同困難。另一個重點，係宗叔喺最後個角色又再會有啲轉變，佢會以強人嘅姿態回歸，咁到底佢最後係企喺阿久嗰邊，定還是返番以前同佢對立呢？最後最重要嘅一點，係久哥最後可唔可以放低到沈盈，去同阿鐵有個新開始呢？」

+8

+7

點擊圖片放大