麻雀樂團丨港灣樂團5大成員起底！位位都係樂器精英 其中一人來頭最猛料
《麻雀樂團》結局周播出的港灣樂團首個正式演奏會贏盡好評，網民大讚製作認真華麗，正式演員連臨時演員加起來足足有數百人，令他們為之驚艷。如有細心留意，不難發現昨晚演奏會部分，劇組在演奏部分中給了不少演員大頭鏡頭，包括郭柏妍的大提琴Solo、還有黃洛妍、金永衡、陳皓雲（Howard）及吳兆麟的大頭演奏等。
麻雀樂團丨11名成員有樂器底
其實在為數約40名的樂團成員當中，有11名成員本身有樂器底，包括郭柏妍Rosita（本身唱單簧管，劇中演大提琴手）、黃洛妍 Janees、金永衡 Kim、蔡景行、吳兆麟 Alan、何晉樂 Timothy 、梁荺苓Winter、劉嘉琪、張景堯、郭子健 Samuel及陳皓雲 Howard；當中Howard及Samuel更是來自香港業餘管弦樂團（HKAO）的業餘琴手，足證劇組在挑選演員時相當認真嚴謹。
1、郭子健：演藝學院主修小提琴
郭子健 Samuel 是HKAO成員之一，本身主力拉小提琴的他，為了配合演出，在劇中轉拉中提琴，偶爾還會代替阿Kim做指揮，全部演出似模似樣。值得一提的是，是次是Samuel首度拍劇，但演繹卻十分自然，皆因本身有舞台劇經驗。Samuel受訪時，透露自己除協助資料搜集外，還於現場幫忙指導現場演員拿樂器的正確姿勢，堪稱幕後功臣。小時候因家境問題、要捨棄鋼琴學小提琴的Samuel，中二時以教小朋友小提琴賺取生活費，累積至今音樂教育經驗超過25年，曾於不同中小學任教大、中、小提琴，及為學校樂團擔任指揮。
首度拍劇演技自然
在演藝學院主修小提琴、副修大提琴的Samuel，師隨多名香港知名小提琴家，現師隨法籍小提琴家Frederic Moreau學藝，務求令技術更上一層樓。另Samuel的資歷亦相當驚人，曾為本地樂團擔任樂團經理、大提琴首席、客席指揮及助理指揮等。還曾衝出香港，到世界各地包括荷蘭、奧地利及德國等演出；除了古典音樂，Samuel亦曾參與不少流行音樂演唱會演出，合作過的歌手有譚詠麟、李克勤、玉置浩二、X Japan等，演出經驗相當豐富！
2、黃洛妍：曾拉奏逾3,000萬港元小提琴
在《聲夢傳奇2》中有「大魔王」之稱的黃洛妍（Janees），音樂底相當雄厚，曾連續8年先後在《香港校際音樂節》的小提琴各個組別贏得冠軍殊榮，共獲取超過28次大小比賽冠軍。Janees 11歲時以優異成績、在港考獲聖三一學院FTCL小提琴演奏文憑，中三時遠赴奧地利留學並進修音樂，以15歲之齡考入薩爾斯堡莫扎特音樂大學，並修畢小提琴演奏學士學位。
出動私伙拍劇勁認真
其後再於維也納普萊納音樂學院考獲小提琴演奏學士學位，曾師從小提琴名家鄭石生等。早前Janees便分享自己於奧地利留學期間，曾拉過一個價值超過3,000萬港元的小提琴。而為了拍攝《麻雀樂團》，Janees更出動了私伙小提琴，相當認真！
3、金永衡：中韓混血兒 曾是年青樂隊Billie&Monster成員
中韓混血兒金永衡（Kim）同樣是《聲夢2》參賽者，亦曾是年青樂隊Billie&Monster「比利打怪獸」成員之一，當年參賽時亦因樣子標緻而備受關注！本身擁有五級小提琴資歷的Kim，還曾自學結他、鋼琴及Ukulele。
4、吳兆麟：文武雙全 八級小提琴+跆拳道廣東省第一名
吳兆麟（Alan）5歲開始學習小提琴，並取得英國皇家音樂學院聯合委員會8級資格，曾與同事黃瀅仴組隊參加《全城一叮》，以擅長的小提琴配以女方的拉丁舞贏得高度關注。除音樂造詣，Alan還擅長拳擊及跆拳道，並曾憑跆拳道奪得廣東省第一名，可謂文武雙全。
5、陳皓雲： 「柔情版香取慎吾」
陳皓雲（Howard）是香港業餘管弦樂團（HKAO）成員之一，在HKAO及劇中均負責拉奏小提琴。Howard曾參與真人騷節目《仔仔一堂》拍攝，並因外貌與日本男演員香取慎吾相似，被封為「柔情版香取慎吾」。
監製預告最後三集有乜睇
對此監製Marco給出重要貼士：「其實最後三集都仲有好多嘢發生架，劇入面嘅角色會繼續遇到大大小小嘅波折喇、繼續會有啲溫馨甜蜜嘢喇，同埋會有條硬線發展出嚟，係關於麻雀行業嘅危機同埋傳承，喺呢方面除咗久哥同鐵姐會面對好大嘅挑戰同困難。另一個重點，係宗叔喺最後個角色又再會有啲轉變，佢會以強人嘅姿態回歸，咁到底佢最後係企喺阿久嗰邊，定還是返番以前同佢對立呢？最後最重要嘅一點，係久哥最後可唔可以放低到沈盈，去同阿鐵有個新開始呢？」
「溫馨合奏」內容：
場口先由久哥說出開場白：「聽住呀老婆」，再深情彈奏與亡妻的定情歌《與我常在》；之後亡妻（莊易羚飾）沈盈徐徐步入，久哥則淡定又激動地說：「嚟咗呀？我好掛住你。」一面感動及心痛的沈盈，先是裝作淘氣問久哥：「仲以為你呢世人都唔會彈得晒成首歌添」，之後再自責又柔情地問：「有個問題我一直都好想問你，其實當初我咁樣走咗去，一直都冇返過嚟，你有冇嬲我？」
譚俊彥極催淚Bite
久哥聽畢笑著哽咽：「我從來冇嬲過你喎，我仲要多謝你添，因為你將家明帶嚟呢個世界度，我真係好開心」、「我冇諗過我司徒久會做爸爸，個女仲要咁生性！」之後，二人淘氣地爭著說家明似自己，然後沈盈再強忍傷痛說：「阿久，我唔可以留喺度陪你喇」、「家明走咗，得番你一個」；久哥聞言拋出極催淚Bite：「傻豬嚟架，我腦裏面有個掣，只要我一撳，就可以即刻見到你哋，無論你哋去到邊度，或者我掛住你哋，都一定可以見到你哋。」將全劇推向高潮。
一家三口溫馨合奏
對此，譚俊彥Shaun接受官方訪問時，坦言場口拍攝認真:單是拍攝前的綵排，也花上整整一天，並感激HKAO（香港業餘管弦樂團）謂：「佢哋好好，佢哋好配合咁著晒西裝、當真嘅演奏會咁綵排咗一日。」談到「一家三口合奏」，Shaun指當時大家都很入戲：「其實上到台嗰刻，都係兩Take就完成，因為大家都已經好入戲，呢場戲係最後嗰幾日拍。」
譚俊彥練一首歌練足四個月
由於鋼琴版《與我常在》代表著久哥與沈盈不受時間、距離甚至生死限制的愛情，故在結局周將一再出現，昨晚Shaun演奏一幕，不少網民更以為Shaun真的會彈鋼琴，但其實Shaun是為了《麻雀樂團》才學彈《與我常在》，而為了配合密集式的彈奏特寫鏡頭，阿Shaun開劇前苦練《與我常在》足足三至四個月、並持續每日練習一小時。
超敬業練到有肌肉記憶
劇集開拍後，阿Shaun亦有keep住練習，連拍攝現場的道具琴也不放過，相當專業：「（有冇計過彈咗呢隻歌幾多次？）真係多到計唔到喇。其實最難都唔係挑戰彈琴，係要邊彈邊做戲，隻手要有好多肌肉記憶、對隻歌熟得好緊要先得，咁樣個腦先可以（available）應付對白同情緒戲，所以對我嚟講一路彈琴一路做戲都係挑戰。」
譚俊彥獲欽點下廚大展身手
譚俊彥Shaun作為視帝級，演技好當然不容置疑，但其實在《麻雀樂團》中，監製Marco還為Shaun度身訂造了一個表演位，就是時不時做「煮家男」晒廚藝！其實阿Shaun本身廚藝相當了得，2021年參與《男神廚房》拍攝時，更曾憑超凡過人廚藝獲得「終極男神」殊榮，獲封「TVB隱藏級廚藝高手」！另阿Shaun現實中還是一位餐廳老闆，絕對是識飲識食代表！
自家餐廳親自招呼劇組
Shaun接受官方訪問時，坦認有經常「煮番幾味」招呼劇組：「好似拍之前佢哋會嚟我餐廳度warm up；套劇出街後，佢哋都有嚟我餐廳度一齊食住睇，真嘅，同久哥一樣，一家人齊齊整整食餐飯，團結一心出嚟效果會好好多。」
譚俊彥自揭險被Rosita拉琴分散注意力
談到天台父女親暱互嗌戲，Shaun直至到現在仍感到很Sweet，並透露拍攝背後笑料：「嗰場戲Rosita要拉琴畀我聽，佢好認真拉，但因為嗰個係道具琴，出嚟嘅聲同大家聽到嘅好唔同，我就惟有同佢講，不如你唔好拉喇。」
港生活人氣娛樂新聞
【請您食月餅🥮】利苑雙聚嚐月禮盒！
↓簡單登記免費嘆流心奶黃+雙黃白蓮蓉月餅💕↓
↓【限時搶⚡】明色藥用美白抗皺W系列↓
↓一本三效｜美白、保濕、抗皺↓
假日好去處