睇林家謙演唱會嘉賓竟是OOO？歌迷嬲爆出價呢個數收門票想睇多場！網民：怨氣好大

林家謙演唱會｜第六場嘉賓竟是楊千嬅

林家謙演唱會連日來掀起全城熱話，日前（26日）第六場請來楊千嬅擔任嘉賓，兩人合唱了《余春嬌》、《小飛俠》、《再見二丁目》。林家謙更在台上向千嬅表達感謝，坦言：「今次呢個嘉賓環節，其實我想請一啲係我音樂上都很有淵源嘅朋友嚟。你係其中一位，好早時候，你已經係one of 其中一位，肯去用我嘅作品，多謝你。」楊千嬅則謙虛笑回：「你寫得好嘛。」林家謙再回：「唔係㗎，就算寫得好都未必咁容易被人見到，係初初。咁所以多謝你當年用左呢首歌。」

+4

+3

點擊圖片放大

延伸閱讀：林家謙演唱會2025｜第六場嘉賓楊千嬅首度同台合唱 林家謙親揭兩個原因決意邀請

歌迷反應兩極：好彩我聽晚先睇

楊千嬅的出現，隨即在網上引起熱烈討論，歌迷反應兩極。不少人直言失望，「好慘呀...啲觀眾」、「好彩我聽晚先睇」、「想知當晚有冇受害者大叫回水」、「當係睇咗十幾分鐘嘅破地獄啦」，更有疑似當晚入場觀眾無奈表示：「真係慘過死架，我勁想大嗌回水」。

有網民更留言：「真心寧願睇姜濤」、「人人都可以做蘋果照妖鏡」，亦有人半開玩笑地預測下一場嘉賓：「下一個係咪鍾鎮濤」、「 下一個搵譚校長點算？」、「下一個係：叻哥」。

▼網民搞笑留言▼

+5

+4

點擊圖片放大

部分人力撐林家謙：唔鍾意咪離場

不過，亦有大批歌迷力撐林家謙的決定，認為嘉賓安排屬於演出自由，並紛紛留言「唔鍾意咪離場唔好睇囉，好恨你去睇？」、「睇演唱會都仲有一啲部份唔係好喜歡，咁咪算囉」、「其實有幾大件事？香港700幾萬人當日入場嘅只係一萬，就算有一半人唔鍾意楊小姐，咁佢都係唱三首歌啫，咁最多係迴避一下，去吓廁所件事係咪過咗」。

歌迷嬲爆出Post徵飛：睇左楊千嬅個場

此外，更有歌迷不惜在二手拍賣平台Carousell出價$680， 徵求林家謙演唱會其他場次的門票，並特別註明「睇左楊千嬅個場」，希望補看其他嘉賓的演出。該帖文隨即被轉發至各大社交平台，被網民笑指「個個都做嘉賓，做到我嬋咁大迴響都算人生成就」、「喺Carousell碌到。救命 怨氣好大」、「真係有啲慘，好哋哋咁難得睇林家謙，無啦啦被逼睇呢個無才無德無樣嘅阿嬸」。

點擊圖片放大

來源：Carousell、FB@多功能阿婆 楊千嬋、Threads