俠醫｜劉佩玥演「機心拜金綠茶婊」女人味爆燈 劇中與兩父子發生關係震撼三觀
TVB新劇《俠醫》由「奸角擔當」丁子朗及劉佩玥（Moon）負責搞風搞雨，劉佩玥劇中飾演「機心拜金女」、「假面閨密」沈綺婷（阿Nat），是羅穎琛（張曦雯飾）地產公司同事兼閨密。雖然阿Nat表面對經常甩碌的阿琛照顧周到又體貼，但實質不但經常放阿琛暗箭，表面扮晒好心！
著超貼身短裙跳辣身舞 踢腳晒逆天長腿一幕勁吸睛
除了是名副其實的「綠茶婊」，為了錢不惜一切的阿Nat，更視自己的完美Body及女性美為生財工具，為了搶到生意、賺到可觀佣金，阿Nat不惜出賣肉體，當中最震撼三觀的情節，是阿Nat先後與鄧力圖（鄭子誠飾）及鄧世鏗（丁子朗飾）發生關係！
預告片中，身穿黑色貼身裙的Moon不斷扭動腰肢及擺弄秀髮，加上迷離眼神，狀態誘人。之後，阿Moon更「大腳趷起」大晒招牌長腿，期待指數爆燈。
劇中至少與六個男色有親密關係
談到新劇角色要周旋於不同男人之間，當中與「善良暖男」馬貫東及「超級奸仔」丁子朗最多瓜葛；劉佩玥搞笑地以「享盡齊人之福」形容自己，並指自己至少與六個男角色有親密關係：「有丁丁、馬貫東、陳豪、Patrick Sir、鄭子誠，同埋嘉輝哥。」
劉佩玥演「機心拜金綠茶婊」坦言有難度
劉佩玥續指阿Nat的角色其實很立體，令從演多年的她亦感到演繹時有難度：「首先佢係一個好識得去利用人心嘅女仔，對住唔同人，佢會識得戴唔同嘅面具，去爭取對自己最大嘅利益，就算要犧牲色相都唔係一個問題。而阿Nat變成咁，同佢嘅童年啦同埋成長都有好大嘅關係，一個壞人背後嘅故事，其實都可以好淒慘。可恨之人亦有可憐之處，喺沈綺婷嘅世界入邊其實好難有愛，因為佢唔相信任何情感，唯有錢先至可以畀到最大安全感佢。」
港生活人氣娛樂新聞
↓【限時搶⚡】Yuskin悠斯晶紫蘇精華系列↓
↓紫蘇精華全效防曬乳｜紫蘇全效保濕煥膚修護面膜↓
↓【限時搶⚡】laCOOL彈白飲↓
↓15天彈 ．潤．白↓
假日好去處