火炭酒樓$7.8點心吸客！港夫妻怒斥3大中伏位 三籠點心最後埋單過百？街坊爆料：呢間出名OO

火炭酒樓點心$7.8起 香港夫妻試完直呼「中伏」

該對香港夫妻以「香港火炭 $7.8點心，搵老襯？被串貪平才來」為題分享了一段影片，指早前在網上見到一間火炭平價酒樓的宣傳，廣告聲稱南乳蒸豬手低至$7.8，叉燒包只需$8.8、$9.8就嘆到鳳爪排骨飯，多款中式點心不用$10已經有交易。

二人原以為遇上「良心小店」，於是帶同子女專程由九龍駕車前往支持，更打算為其拍片宣傳，吸引更多港人留港消費，卻沒想到原來是中伏...

▼香港夫妻力數3大中伏點▼

點擊圖片放大

片主在影片中直指，點心幾乎全數漏單，一家四口等近一小時仍未上菜，期間多次向店員查詢進度，卻被要求重新落單，「追咗兩個鐘，佢哋店員先X口X面畀咗三籠點心」。他越想越氣，直指酒樓分明是「掛羊頭賣狗肉」，期間更目睹其他食客與店員爭執，有人當場破口大罵：「有他這麼做事嗎？」、「說我們貪你便宜」，更怒斥酒樓連基本的飲用水也沒有提供。

+3

+2

點擊圖片放大

三款點心連茶位加一 埋單竟要過百蚊？

準備結帳離場時，片主曾向櫃枱職員反映漏單問題，「剩係嚟咗三個，其他無嚟到，你哋無人理我」，但對方並未作出回應。從收據見到，當日成功送抵桌面的僅有三款點心，包括$8.8叉燒包、$13.8古法馬拉糕，以及一份$16.8的鮮蝦腸，每位茶位費$13，連同加一服務費合共收費達$101。

無奈轉場食快餐 港人：仲有人會留港消費？

對於今次用餐經驗，片主直言大失所望，「呢啲真係無下次，開頭入嚟真係諗住真係介紹下香港仲有啲酒樓好努力做生意」，結果卻完全「中伏」。二人最後更要帶小朋友「轉場」到快餐店再吃一餐，他不禁感嘆：「唔怪得香港餐飲業越來越多人投訴啦，再係咁落去，香港以後真係仲會有人留港消費咩？」

點擊圖片放大

網民狠批虛假宣傳：明顯係呃

影片一出，隨即引發網友熱議，不少人直言今次事件明顯屬「掛羊頭賣狗肉」，怒斥廣告內容誤導，「又無人又無服務，邊得咁忙出唔到餐，明顯係呃」、「一心來食野，茶錢加一仲貴過野食」、「虛假宣傳，呃鬼食豆腐」，更有網民狠批「比著我係茶客，我都鬧到佢哋死」。

▼網民留言▼

+7

+6

點擊圖片放大

街坊認出涉事酒樓「呢間出名搵笨」

有街坊留言指出，指對涉事酒樓「有印象」，坦言事件一點也不意外，「佢個位最多都做街頭生意」、「火炭果間酒樓，難怪熟口熟面」、「依間真係不知所謂」、「你地咁單純既...呢間都幾出名搵笨」。亦有網民表示當日曾身在現場，「當日我都見你，依間酒樓真係不知所謂，根本就呃人去俾茶錢同加一服務費」。

貪平中伏唔出奇？網民：貪字變貧

雖然不少人對事件感到不滿，但有網民認為片主「中伏」純粹因過於相信低價宣傳，「如果真係咁抵，個場就唔會咁靜啦」、「幾蚊雞點心，大陸酒樓都做唔到，香港仲想平？」、「內地都無咁平，個位數又豬手又鳳爪，一聽都唔對路啦」，更有留言語帶調侃：「貪字變貧呀，老友。」

+2

點擊圖片放大

樓主親揭中伏踩雷原因

面對網民質疑，片主亦在留言區親自回應，強調自己並非當區居民，「我哋唔係住個區，係睇到佢網上宣傳，九龍特登揸車入去，所以中伏踩雷係合情合理」。他補充，當日抵達酒樓時更需排隊15至20分鐘，進場後餐廳更是「坐滿晒」，絕非冷清無人問津。片主無奈表示，原以為是良心小店，怎料服務水平遠不如預期，直言「騙徒手法層出不窮，茶位先輸得金，仲要輸埋三個鐘頭停車場」。

來源：小紅書