女神配對計劃｜曾展望GM最終告白自揭超強緣份 員工證號碼電話號碼暗藏超甜密碼
TVB戀愛綜藝真人騷《女神配對計劃》壓軸一星期播出六集結局篇《女神配對計劃 最後告白》，「十年後深情告白」壓軸登場的亦是萬眾期待的曾展望GM。今次GM不敢怠慢，超浪漫柔情告白，可謂是盡地一煲，GM自告奮勇要將Sophie寵成小女孩，並以深情告白冧死人：「由第一日識你，就覺得我哋幾有緣份，好多嘢都好似整定咁」。
GM曾展望超浪漫柔情告白盡地一煲
雖然GM與Sophie早已被熱捧為「國民CP」，GM在「十年後深情告白」中收起佻皮轉Sell深情溫柔、配以鋼琴版節目主題曲《女神戀愛腦》，整體感覺極盡浪漫：「Hello Sophie，估唔到我哋咁快就一齊咗咁耐喇，一年、兩年、五年、十年，同你一齊嘅時間過得好快，可能開心嘅時間過得特別快」、「可能好多時我哋都冇做啲咩特別嘢，可能都好日常生活，一齊食吓飯呀、打吓機，但呢啲生活好開心」。
員工證號碼＋電話號碼暗藏超甜「密碼」
接著，GM自揭與Sophie擁超強緣份，GM續說，「我覺得由第一日識你，我就覺得我哋都幾有緣份，我咁啱出生日期同林子祥一樣，你員工證號碼原來同我用咗十幾年嘅電話號碼頭四隻字係一樣嘅！好多嘢都好似整定咁。」
GM自告奮勇要將Sophie寵成小女孩
「我覺得十年後呢，我哋應該仲會咁癡纏，可能每日都黐埋一嚿，因為我知你都係一個黐男人嘅人，可能我哋會有自己嘅家庭，跟住我會帶你去探險、我會照顧你，我希望（你人）愈大，你就可以活得愈細、就好似小女孩咁、我會盡能力去照顧你、保護你，都多謝你喺我最唔開心嘅時間出嚟陪住我，我會繼續努力守護你。」柔情演繹再加超深情承諾性＋溺愛性極重內容，甜度完全犯晒規地超標！
港生活人氣娛樂新聞
【送禮】U Community 社群 送「位您寵」貓貓保健品！
↓【限時搶⚡】明色藥用美白抗皺W系列↓
↓一本三效｜美白、保濕、抗皺↓
假日好去處