女神配對計劃｜GM葉蒨文「同心鎖」愛的宣言甜到犯規 承諾一生不變「第一個與最後一個」
《女神配對計劃 最後告白》圓滿結束，五位女神及求愛勇者們，昨晚與幕後工作人員齊齊食住飯睇大結局，期間五位女神輪流爆喊，葉蒨文（Sophie）不但為自己的配對感觸落淚，亦為其他四位女神的配對結果情緒極盡波動；當大家齊齊齊見證Sophie與曾展望（GM）的「霸氣世紀之吻」時，全場更陷入「狂喜之巔」，氣氛既感人又熱鬧。
GM Sophie「霸氣世紀之吻」影片一晚衝破200萬點擊
5位女神中的3位女神葉蒨文（Sophie）、梁敏巧（Maggie）及羅毓儀（Yuki）成功與心儀求愛勇者曾展望GM、劉啟進（Matt）及林俊其（Kris）配對成真正CP，當中GM向著Sophie連講三次「我愛你」，以及最後來個抱頭式的霸道總裁式「世紀之吻」，再加Sophie興奮到忘形的「開心揼地尖叫」，更成為昨晚一整晚熱話，不少網民大讚GM愛得真摯、勇敢又霸氣，並直指二人的「配對」已直接昇華至求婚甚至結婚現場。而tvb.com的「霸氣世紀之吻」精華節錄，亦於短短一晚已吸獲過萬Likes及衝破200萬views，反應熱烈！
「同心鎖」彩蛋 GM甜到犯規愛的宣言曝光
該段精華片段，除了有GM與Sophie的「霸氣世紀之吻」回顧，原來還暗藏彩蛋！原來Sophie與GM配對成功後，主動提議GM玩「同心鎖」，為這次難忘的浪漫配對旅程留下美好回憶：「呢幾個月我哋都經歷咗好多嘢，我好想同你寫低...我哋嘅感想，跟住喺度留低一個回憶。」Sophie選擇寫下的，是她在第一天海選時說過的霸氣Bite：「我唔需要嗰5秒」，至於GM寫下的則是一生不變愛的承諾：「你係第一個，（亦係）最後一個我會想用盡全力保護嘅人。」
來自18個城市GS粉火速為熱捧GS打造「官宣應援」
網民除了瘋狂派likes，亦紛紛留言表示感動及祝福：「Sophie 一秒就轉身、GM 由頭到尾眼神從來冇離開Sophie，呃唔到人」、「我愛你，一個男人肯响屏幕前對住幾百萬人講，其實係押上自己响娛樂圈嘅前途」、「真係好癲，好似求婚咁」、「真係sweet到爆 喊爆」、「見到這一pair，突然間諗起張家輝和關詠荷，GM係張家輝2.0」、「真係好睇，好甜，就係想睇佢2個，好登對」、「我係電視機前都嗌咗出嚟，連我五歲仔都話So sweet」、「GM 好 Man 呀！好震撼嘅威力，殺死人呀！」
更令人驚艷的是，來自18個城市的GS粉絲，為GM及Sophie準備了一個「官宣應援」，由今日開始於旺角投放，直至9月21日。應援官宣內容：「愛不僅是剎那間的心動，更是長久凝視彼此靈魂後的選擇，恭喜GM和Sophie，選擇在對方眼中安放自己的世界。」
港生活人氣娛樂新聞
【送禮】U Community 社群 送「位您寵」狗狗保健品！
↓【限時搶⚡】LIVE YEAST日本9年No.1活性酵母↓
↓分解碳水化合物、促進排便↓
假日好去處