俠醫｜江欣燕Mean爆演活乞人憎毒舌貴婦 86歲江媽媽戴老花鏡親子對戲超有愛
TVB劇集《俠醫》主要演員有陳豪、張曦雯、馬貫東、丁子朗，一眾配角發揮同樣出色，尤其獲監製大讚豁出去的「毒舌貴婦阿鳳」江欣燕，在劇集第一集已憑藉狗眼看人低的嘴面、兼三寸不爛之毒舌成功搶焦！昨晚孖住丁丁大戰陳豪一幕，無論眼神、嘴臉及神態均極盡潑辣Mean爆能事，唔單止意氣風發叉晒腰，更激動指出手狂篤陳豪額頭，齋睇都好有壓逼感，獲讚演技一流兼被封「Mean精天花板」。
江欣燕為演活「潑辣毒舌貴婦」
江欣燕（欣欣）是次演繹阿鳳確江欣燕為演活「潑辣毒舌貴婦」花盡心思喪背對白 實難度高，皆因除了要迎合監製要求「盡啲、盡啲、再盡啲」，每次開工的對白確是水蛇春咁長，加上時間關係「飛紙仔」情況不時發生，欣欣笑言試過在片場要一次過背熟所有即日及隔日的對白，並笑言連鄭子誠也覺得她大癲：「因為好多時成版幾嘅對白都係我一個人講晒，又要講得快，點算吖？！嗰時個個都覺得我癲，有日子誠問我：『你背緊咩』，我話背緊後日嘅對白，佢話：『吓？今日都未搞掂喎』，我就話我後日要鬧人、仲要一輪嘴好順咁，所以唔背定唔掂，嗰時又要應付即日對白、又要背埋之後嘅對白，都幾精神分裂。」
江欣燕又謂即使有些場口會自己因應當時氣氛及情緒心血來潮爆肚，但基礎依然是必須將劇本背到滾瓜爛熟：「唔可以作架嘛，唔係吓吓作得切咁快，我作到一個shot、作唔到十個擺位。不過有時都會有神來之筆，好似睇樓嗰場，因為子誠遲遲都未接對白，咁我唯有一輪嘴係咁鬧落去，但我平時真人絕對唔係咁，好少鬧人，但嗰排為咗投入角色，見人就鬧，我係好入戲嘅人。」
江欣燕揭86歲江媽媽戴住老花眼鏡陪練對白
江欣燕續指為了記熟所有自己及對手的對白，以方便拍攝時作出反應，現年86歲的江媽媽還不時抽空與欣欣排練對白，相當有愛，欣欣亦笑言排戲是她和媽媽的親子活動：「因為好多場口一人一句，記唔熟對白好易甩，我就叫媽咪幫我讀晒其他人啲對白，等我記得晒知道個尾位點接。我媽咪雖然86歲，但好精靈嘅，佢戴住老花眼鏡同我對劇本。我份劇本好七彩架，因為畫晒紅橙黃綠青藍紫畀我媽咪睇，每場戲有啲色係陳豪嘅、有啲色係丁子朗嘅。」又笑言作為無綫忠實fans的江太，對她演繹阿鳳的評語是：「好乞人憎！似你平時衰樣。」
港生活人氣娛樂新聞
↓【限時搶⚡】ZENOVA漢方淨肌修護系列↓
↓淨透肌底身體噴霧、屏障修護身體乳↓
【請您食】奇華熊貓月餅🐼
↓留言送您奶皇 x 蛋黃蓮蓉月餅🥮萌動中秋↓
假日好去處