So Ching自爆身體響起警號情況嚴重 飽受困擾半年終見曙光：「需要好長時間」
2022年7月MIRROR紅館舞台事故對舞蹈員李啟言（阿Mo）造成嚴重受傷，至今仍然處於漫長復康路上。李啟言的女友、COLLAR前成員So Ching（蘇芷晴）亦一直在他身邊支持，不過日前So Ching就在社交平台上自爆身體響警號，更直言「想真係好好調節返身心」，引起粉絲擔心。
So Ching身體響警號
So Ching在阿Mo發生意外後不久，就退出組合COLLAR，重返跳舞事業，並低調生活。不過日前So Ching就在IG限時動態上自爆在飲食控制上一直都有問題，而身體亦曾響起警號：「咁多年嚟，喺食/唔食/食幾多之間不斷拉鋸，不知不覺間身體不斷響警號，但高峰期我都一律無理會。」
直言「想真係好好調節返身心」
So Ching亦表示希望可以調節身心，令身體及情緒都可以重返正軌：「近期想真係好好調節返身心，嘗試感受多啲、聆聽自己的身體、接受自己多啲（Which is原來都唔係咁容易），先發現原來back on track（重返正軌）都真係需要好長時間，唔急得」不過她亦直言需要更多時間，才能重返健康。
自爆半年「冇m到」
其後So Ching又再表示在這個月份情緒亦出現問題：「呢一個月係self esteem奇低的月份，對自己好多方面都不滿意（尤其身形外貌）」更自爆在過去半年月經亦受到影響：「But thanks God！經過半年時間，I finally got my period back！雖然好m痛，但今次竟然痛得係開心」。
港生活人氣娛樂新聞
【突發‼️】送您大熱鎖匙圈相機盲盒 📷！
【酒店試住員企劃】請您去Staycation + 歎雙人High Tea🎁！
假日好去處