羅毓儀拍拖後首談男友林俊其緋聞情史 11字回應盡顯女友邊界感風度
TVB戀愛真人騷《女神配對計劃》早前已經完滿落幕，節目中羅毓儀（Yuki）及林俊其（Kris）配對成功，成為情侶。不過在節目播出後Kris就連環被爆情史，而日前羅毓儀作客電台節目《星光背後》專訪，亦談及男友Kris的緋聞，更以11字大方透露自己作為女友的看法。
羅毓儀不介意林俊其緋聞
節目熱播後，林俊其被揭緋聞多多，更被封為「港姐殺手」，問Yuki有沒有介意，她堅定的說：「講真，打從心底唔介意！每個人都有過去，唔需要考究，focus過去係無必要，應該要focus現在。我有問過佢，但唔代表我介意。純粹想了解大家嘅過去，佢嘅過去可能太擔心另一半感受，一直唔夠膽表達自己。」
自爆第一集海選已被吸引
而Yuki就希望可以給予Kris更多信心：「到呢段關係我就畀多啲信心佢，同佢講：『我想聽你講嘢，唔好收收埋埋。』」又透露在第一集海選已經被Kris吸引：「係第一集海選！其實我內心好脆弱，一直keep住用動漫同笑容掩飾自己。就好似佢話齋，我需要鼓勵同陪伴，係好神奇！佢講中我好多內心深處嘅嘢，點解佢咁了解我嘅？到後來節目相處多咗，先發現佢同我一樣，內心好脆弱。」
驚訝Kris於多年前留意自己
談及三年前，林俊其早已亮相Yuki及前度的頻道，Yuki指當時並沒特別感覺，也驚訝Kris於配對騷中自爆很早於台慶期間已留意她，「嗰次題目係board game，要多啲人分享，施焯日(Arthur)係我訓練班同學，Arthur搵佢一齊嚟。之後都係台慶佢幫我影啲相tag返啲贊助，真係無乜交集。」
港生活人氣娛樂新聞
↓【限時搶⚡】Shimiace AX藥用打斑膏↓
↓擊退頑固色斑｜預防未來斑↓
↓【限時搶⚡】ZENOVA漢方淨肌修護系列↓
↓淨透肌底身體噴霧、屏障修護身體乳↓
假日好去處