俠醫｜游嘉欣演輪椅少女跳出小妹妹框框 親解圓面之謎「穿衣顯肥脫衣顯瘦」

游嘉欣演腦癱輪椅少女

游嘉欣（游游）劇中飾演腦癱少女，她坦言這正是角色最大難度之處，而她花最長時間克服的，是角色代步的電動輪椅：「我係第一次演行動不便嘅人，個角色因為腦癱影響咗左手活動，變相啲肢體動作演出嚟要好受限制咁。同埋因為我要控制電動輪椅，一開頭我係周圍撞嚟撞去，真係人人見到我都驚，但好彩後尾日子有功，我就變咗做車手。」

最大難度原來係揸電動輪椅

游游續指除了輪椅速度要保持著跟人行的速度差不多是難處外，要急停輪椅更是難上加難：「有場我要揸住電動輪椅，好快咁駛到去一個位停低，再有啲感情戲要做；但因為個電動輪椅一快就好難停，同埋停嗰個位又要準確，又要帶住感情去演戲，都幾大挑戰，但都幫助我成長咗好多。平時見人用電動輪椅活動好自如，但原來電動輪椅係會煞唔切制，你停時佢仲會有少少向前嘅衝力，你要佢好有準確咁停低，除非係慢駛，或者有啲竅妙，我都揸咗幾次先發現個竅妙。」

跳出小妹妹框框演「追夢輪椅少女」

游嘉欣今次飾演的「周靜芝」，角色因腦麻痺關係要長期輪椅代步兼左手未能自由活動，但堅強的靜芝並未因而放棄人生，並一直默默努力繪畫「飛天餃子」圓夢；不過由於身體殘障及種種其他因素，靜芝有感自己的心血不受尊重，因而「踩場」藝術展，並將自己的畫作搬到主展區表達對主辦方將傷健人士作品邊緣化的不滿！

游游接受官方訪問時，坦言：「我覺得好開心，今次畀大家睇到我有呢個變化」、「以前我嘅角色都比較小妹妹、或者斯文柔弱啲，好少畀觀眾睇到我演咁硬朗嘅角色，今次個角色會姐姐啲、硬朗啲同堅強啲，見到大家覺得我真係做得出嗰個感覺，我係好開心嘅。」

+4

+3

點擊圖片放大

游嘉欣親解圓面之謎

另外，游嘉欣早前以Sporty Look現身《俠醫》記者會時，美好身段表露無遺，除了一雙修長美腿、還有操得甚弗的腹肌及背肌，面部線條亦沒有之前拍攝《羅密歐與祝英台》圓潤。不過游游受訪時透露並未有刻意減肥，笑言自己「穿衣顯肥脫衣顯瘦」！

點擊圖片放大

自爆原來擁8年Gym齡

游嘉欣更大爆原來已擁有七至八年gym齡：「其實我一直有刻意Keep fit嘅，咁就冇話最近真係特別咁去減肥。我本身都有一個好規律嘅運動模式，即係可能一個禮拜做兩日gym、跟住再做啲Cardio或者打吓Tennis咁，我係咁多年嚟一路都係 keep住咁樣去做。」、「我係穿衣顯肥、脫衣顯瘦嘅人嚟，我上鏡呢點樣都係會覺得圓圓潤潤咁，所以可能有時着衫多、人哋第一印象就會覺得我肥，但如果我一着少啲衫，啲人就會話：『咦，原來你都幾瘦喎！』」

「穿衣顯肥脫衣顯瘦」

游游續指之前予人感覺特別圓潤，是因身體出現了小毛病，幸好最近已康復：「我記得特別係喺《大夫》、《羅密歐》嗰段時間呢，我身體出現咗少少問題要食西藥去改善，我諗係啲西藥嘅副作用令到我個人好腫咁，因為我真係冇停過運動嘅，但嗰個階段就一路都冇咩成效咁，去到後尾我停咗啲西藥、再調理好番個身體之後，再加埋正常嘅運動同作息，就keep到依家咁。」、「所以有時真係唔好將自己Push得太勁，我可能就係將自己逼得太緊，先會導致身體嘅問題，所以依家我覺得係盡咗自己嘅能力就OK啦。」

點擊圖片放大