28歲移加港人日打3份工 靠洗碗/收銀月儲到呢個數！自嘆得2優勢：可能要敗走返香港

加拿大「救生艇」等候時間長達600個月？

加拿大於2021年推出「救生艇計劃」的移民方案，提供工作（Stream B）或學習（Stream A）等兩種途徑，以助香港居民獲得永久居留權。不過，根據當地移民局資料顯示，現時計畫已逐年減少永久居民和臨時居民的配額，而且申請永居時間長達12至600個月不等，換言之，最壞情況可能要等足50年方可獲批永居。

28歲香港女生慨嘆：敗走係唯一嘅未來

消息一出，隨即引起一眾移加港人熱烈討論。其中一名28歲香港女生更在Threads發帖分享個人經歷，坦言自己「冇學歷、冇經驗、英文差」，在CELPIP英語測試中最多只考到7分，無法符合申請Express Entry（EE）快速通道的要求，連綜合排名系統（CRS）分數亦未達300分，令她不禁無奈慨嘆「敗走係唯一嘅未來」。

搏命返工賺錢 靠一招儲2.6萬加幣

樓主交代自身背景，表示現年28歲，擁有香港的大學學士學位，畢業後曾從事兩年文職工作，「我全靠係香港白日office夜晚餐廳炒散先儲到錢黎加拿大」。但由於她缺乏加拿大當地學歷、工作經驗，移加後只能從最基層做起，包括洗碗、洗廁所、收銀等體力工作，幾乎全年無休，「一年半載都斷絕人慾，365日返工」，生活極為簡單，靠高度節儉成功儲下可觀金額。

樓主：「全靠洗碗 + 幾份parttime + 365日返工 + 唔出街消費嘅老鼠人生活，先由千位數儲到近2萬五千蚊加紙（港幣約$139,584），真係好辛苦，好彩我冇朋友都鍾意做黎生！」

▼移加港人Post出儲蓄帳戶▼

她亦在帖文中詳細列出9月份的收支狀況，總收入為3,819.63加元，支出（包括租金、飲食與交通費用）僅1,196加元，淨儲蓄高達2,623加元（港幣約$14,645）。

加拿大生活成本貴到痴線？

談到加拿大的生活，樓主直言「生活成本貴到痴線」，她憶述剛抵埗時為了節省住屋開支，只能與一名印度男子合住Shared house（即 合租單位），「於是乎就做到1100-1300屋租+飲食開支全包」。樓主續指，她一直以來實行極端節儉生活模式，移民後幾乎完全不消費，不外出娛樂，Uber至今只叫過兩次，「其實出街食嘢係香港好正常，唔知點解黎咗艱難大就係咁折墮自己」。最近因預計自己「好大機會出年敗走返香港」，加上長時間返工壓力大，才忍不住叫了一次宵夜，單單一份外賣就要21加元。

無悔當日選擇？港女：加拿大冇欠過我

雖然很大機會「沉船」，但她表示無悔當初移民選擇：「只能夠話自身實力不足，行唔到EE條隊，不過係加拿大一年半載真係儲到幾多錢，所以加拿大冇欠過我」。她坦言，目前最壞打算就是「敗走返香港」。

她亦無奈指出，「除咗30以下算後生冇任何優勢，去邊個國家都唔易有pathway對於我呢啲cheap人」，同時她也擔心自己履歷會「花晒」，回流後難以向HR解釋，直言「唯一優勢就係夠cheap」，又形容自己「一日黎生終身黎生」，未走已預備回流香港的搵工之路。

網民留言熱議！回流香港未嘗不是好事？

帖文一出，隨即在網上引起熱烈討論，有網民直言加拿大生活雖新鮮，但實際極為艱苦，紛紛留言「去加拿大就係折墮自己」、「一星期做60真係倦」，更認為樓主腳踏實地回港香港「做返隻牛」未嘗不是一件好事，「攞到PR你仲大鑊，走又唔係，唔走，成世洗碗洗廁所？」

網民留言安慰：英文流利已經贏好多人

亦有網友留言安慰，指不必太介意職位與履歷的轉變，直言「好多人去Working Holiday做農場同樓面，僱主一般都唔care」，即使做過體力工也不等於「花晒履歷」，「你本身有香港工作經驗，只係多左加拿大啲唔關事的工」。也有人指出，加拿大經歷本身就是優勢，「浸過鹹水，英文laklak聲」、「你呢幾年練到英文流利已經贏好多人。」

同路中人分享：移民路從來唔易

有同路人留言分享，指「移民路從來唔易，都好講運氣，唔係包生仔」、「Same初初嚟到頭一年都係好少出街食，之後改變心態決定對自己好啲，就多咗試唔同餐廳搵下好嘢食」。不少人表示欣賞樓主自律，認為她無論留加或返港都會找到新出路，「稅後有3k8咁你年薪有成6xk，勁過好多人喎」，但亦有人提及心理健康同樣重要：「適當時候對自己好啲，我有時會俾自己買杯靚咖啡或者一件貴嘅甜品」、「唔好對自己太harsh」。

▼即睇同路中人分享▼

點擊圖片放大

香港好難搵工？網民力勸留加「唔好望返轉頭」

至於是否回流香港，網民卻抱有不同看法，有人直言：「香港好難搵工呀，返黎可能敗走返加拿大」，更有留言指香港勞工市場競爭激烈，「返香港好難同外勞鬥，試試其他地方仲好」、「而家太多競爭，你點吹都唔夠果班高學歷又收少啲人工又唔點放假果班人鬥」。有網民指出，加拿大生活雖苦但有盼望，力勸樓主不要輕易放棄，「不如好好留喺加拿大啦，唔好望返轉頭」、「希望你頂住，最辛苦嘅時間都已經過咗，可以留低嘅話只會越嚟越好」。

▼網民點睇▼

+9

+8

點擊圖片放大

來源：Threads