聲秀｜胡子貝獲原唱張敬軒親自現身指導 孖戴祖儀深情演繹《下次愛你》
TVB歌唱選秀節目《聲秀》上集在「一對一對決」中成功進級的12位學員，將於導師率領下進行新一輪「歌手助力戰」對決，每位導師需根據學員特質及長處，邀請一位歌手為學員「助力」擔任表演拍檔。今集五位評審陣容是：舒文、陳奐仁（Hanjin）、郭偉亮（Eric Kwok）、雷有輝（Patrick Lui）及周錫漢會進行評分。
《聲秀》新一輪「歌手助力戰」
今個回合最低分的5位學員將跌入危險區，至於最終邊3位學員被淘汰，除了由5位主評判決定外，將有10位由製作組特別邀請的KOL組成的評審團來進行投票。主評審每人有兩票，而KOL則每人有一票，投選最值得可以留低的學員。票數最低的3位學員將會離開《聲秀》舞台。
今集出場的6位學員及助力歌手演唱歌單如下：（排名不分先後）：胡子貝Matt、戴祖儀Joey《下次愛你》；柯雨霏 Ophelia、林奕匡Phil《別為我好》；穎喬 Ziva、布志綸《黑色狂迷》；周智敏Emily、黃妍Cath《一加一》；布子殷（布子）、冼靖峰Archi《時候不早》；陳卓怡Hoonry、張馳豪Aska《一事無成》。
獲原唱張敬軒親自現身指導勁驚喜
今集搶焦位落在蘇永康組的「顏值擔當」胡子貝Matt身上，Matt聯同「長腿女神」戴祖儀Joey深情演繹《下次愛你》；排練期間，Matt獲偶像張敬軒親自現身指導發聲、絕對是一大驚喜！正式表演時，Joey以一身黑色哩士長裙女神造型亮相、氣質滿分，配搭全黑西裝的Matt襯到絕。
胡子貝、戴祖儀深情演繹《下次愛你》
Matt沉穩高音配合Joey細膩和音，默契度爆鏢；加上大量情深互動包括溫柔對望、拖手、摸面及挨膊頭。事後Joey感激導師蘇永康及Yoroko的悉心編排：「佢哋加咗好多動作同走位，令到我哋無論排幾多次都好，都會起雞皮。」子貝還大爆Joey每次綵排都眼濕濕，二人還被爆每次唱完要嗌CUT才肯停下來，投入程度破錶。
勁多甜蜜互動 挨背拖手兼摸面
二人的深情演繹、獲評審們一致高度評價，郭偉亮（Eric Kwok）：「好睇同好聽。」雷有輝（Patrick Lui）：「呢隻歌男女合唱原來可以咁好聽。Matt 今次改咗少少個唱法，係一個好好嘅方向。」周錫漢：「呢隻係我favorite song，你真係揀啱歌，夭心夭肺你哋絕對有deliver到出嚟。」
Ziva聯同Mr.主唱布志綸狂野Rock爆全場
今集另一搶焦位落在胡鴻鈞組的穎喬 Ziva聯乘Mr.主唱布志綸Alan攜手演繹的搖滾歌曲《黑色狂迷》，布志綸彈電結他助攻型格爆燈，而Ziva的鬢辮及多層次穿搭造型亦極盡吸睛；二人表演期間一度衝落台與評審互動，high爆全場！Ziva事後笑言：「真係好爽，一直幻想有呢個舞台出現，多謝你（Alan）。」
Alan彈電結他神助攻
Alan亦搞笑回應：「我等咗呢個機會好耐，多謝《聲秀》！」連隔籬組導師鍾舒漫Sherman亦大讚Ziva：「其實我覺得Ziva把聲係好適合唱呢類型嘅歌，好耐冇聽到啲咁有力、咁厚嘅聲。」
評審們同樣盛讚，周錫漢：「不嬲都覺得佢應該搖滾之路…同埋佢走落台喺我哋面前唱，平時會覺得尷尬，但今次又冇。」舒文：「成個氣氛都掌握得好好。」雷有輝（Patrick Lui）：「呢隻歌我第一次聽女仔唱。」
港生活人氣娛樂新聞
【🍽️請您免費試食！】
↓Oliver's Super Sandwiches全新餐單↓
↓【限時搶⚡】Binggrae SIZE UP咖啡↓
↓香濃順滑牛奶咖啡｜香氣濃郁美式咖啡↓
假日好去處