葉蒨文被網民轟單親背景前言不對後語 IG留言駁火5字親自反擊講大話質疑
葉蒨文（Sophie）因《女神配對計劃》而人氣急升，不過人紅是非多，近日就有網民懷疑一直自稱單親家庭長大的Sophie造假，直指她單親背景前言不對後語。而一向敢言的Sophie亦在留言區，親自反擊講大話質疑，事件亦引起網上熱討！
葉蒨文被網民轟單親背景造假
葉蒨文Sophie在《女神配對計劃》中曾表示自己在單親家庭長大，令她為人較獨立自主。不過近日就有網民懷疑Sophie單親背景造假：「佢話佢單親，但之前另一個訪問有講過自己同男朋友分手父母唔鍾意。都唔知幾時真幾時假😅😅😅」直指Sophie前言不對後語，質疑她假人設。
IG留言駁火5字親自反擊
而一向敢言的Sophie亦親自反擊講大話質疑，直回應該名網民：「後父都係父，唔使質疑我講嘢啦，搵唔到漏洞㗎，因為我講嘅都係真話🤓」強調自己並沒有說謊。不過該名網民就認為自己不知者不罪：「咁觀眾點會無啦啦知你有後父？不知者不罪覺得奇怪唔使話人搵你漏洞呀？😅」
反擊講大話質疑
其後Sophie又再回覆表示該名網民是提出對人格真誠度質疑，自己已經非常客氣回應：「我明白而家網絡有啲人嘅心態都係鍾意講乜就講乜，多少有點不負責任，但我都係堅持對人應該有返適當的尊重同禮貌。 ☺️❤️」該名網民又直斥Sophie自大，並揚言：「做明星做到你咁冇氣量真係睇你靠戀情紅得幾耐」
葉蒨文獲網民力撐
最後Sophie就表示自己只是合理解釋：「自大同理直氣壯係兩樣嘢，我由以前到而家處事都一樣不卑不亢😊 就算參加戀愛綜藝之前我見到有啲過分嘅網民我都會照樣分享我嘅睇法😉 wish you all the best!」而事件發生後亦有不少網民力撐Sophie，認為她已經十分冷靜回覆。
港生活人氣娛樂新聞
【🍽️請您免費試食！】
↓Oliver's Super Sandwiches全新餐單↓
↓【限時搶⚡】馬灣主題樂園親子門票↓
↓結合玩樂、遊學及大自然元素↓
假日好去處