巨塔之后｜劉佩玥眼鏡娘律師造型獲讚「氣質封神」 親揭與樂珈嘉上契之謎
TVB熱播劇《巨塔之后》除了領銜主演的女主角宣萱，另一位女主角劉佩玥的演出同樣令人深刻，昨晚焦點劇情，絕對是劉佩玥（阿Moon）在韓國找到珈嘉後，在酒吧外擊退兩名急色流氓一幕！劉佩玥為保護女兒由沉穩律師進化成「暴打媽打」，完全展現「為母則強」一面，網民大讚：「霸氣Moon」！
劉佩玥擸鐵桶+咆吼功擊退兩大急色流氓
劉佩玥分享拍攝此場戲的事前做足準備功夫：「事未走咗前拉筋同熱身少不了，亦都要好好了解現場嘅狀況，因為呢一場設計上專登整濕咗個地，當時地面係好滑好跣，所以着住對高踭鞋跑嘅時候都需要小心啲。」
談到孭起阿女樂珈嘉場口，劉佩玥坦言有難度：「因為本身佢坐咗喺地上面、個人又有一定重量，所以我踎低去孭起佢時係會吃力少少。我哋要用唔同角度去拍，所以都孭咗好多次，但係導演好好，就算要拍唔同嘅角度，都盡量比一個最佳嘅方法我，等我個姿勢好啲容易發力。」
親揭與樂珈嘉上契之謎
談到與樂珈嘉上契一事，劉佩玥大讚「阿女」可愛：「佢好聰明又好嗲我，好可愛架！工作嘅時候有咩唔識都會問，我哋喺佛山拍攝嘅幾個月成日都見，成日都傾偈，所以大家嘅關係由初初認識變得深厚，好感恩！」
劉佩玥眼鏡娘律師造型獲讚「氣質封神」
另為突顯劇中角色專業形象，阿Moon一度以斯文眼鏡look亮相、氣質逼人，獲網民盛讚「氣質封神」：「文以珈在我心裏已經封神」、「Moon不再局限於甜妹和小妹妹」、「戴眼鏡嘅look太絕殺」、「希望阿moon以後能多一點類似角色」。
有網民更憶起阿Moon十年前在劇集《四個女仔三個BAR》內，曾飾演見習事務律師Holly，如今相隔十年，阿Moon已由實習律師晉升至獨當一面的事務律師兼律師樓合夥人，難怪有網民講笑謂：「證明阿Moon有天份又夠勤力」。
港生活人氣娛樂新聞
↓【限時搶⚡】Shimiace AX藥用打斑膏↓
↓擊退頑固色斑｜預防未來斑↓
↓【限時搶⚡】激賞卡樂B熱浪香辣味蝦片 ↓
↓ 熱浪香辣味+金黃鬆脆蝦片 ↓
假日好去處