九巴月票轉新玩法？優惠價$5升級搭P線引爭議！網友狠批5缺點：仲貴左喎

文: 黃樂恩

20小時前

九巴月票推出月票新安排。近日，有市民於Facebook群組「屯門公路塞車關注組」發帖，表示發現九巴推出新安排，由10月起持九巴月票乘客可加$5乘搭星級尊線P960及P968。帖文曝光後，有網民批評優惠大縮水，直言「回贈玩法玩完」。但亦有市民認為依然「抵玩」，更笑言「唔宣傳仲好，一陣搞到冇位坐」。

九巴月票+$5升級搭P線？網友狠批5大缺點

樓主在社交平台發帖，表示「岩岩至見到，改左玩法，唔聲唔聲」，指自己剛發現九巴更新九巴月票優惠安排，並附上一張九巴張貼的公告。該張公告標題為「P960, P968 九巴月票顧客尊享『$5 星級價』」，內容是更新九巴月票優惠安排。由2025年10月1日起，持有有效九巴月票的顧客只需額外支付$5，即可乘搭星級尊線P960、P968路線。至於九巴月票升級體驗星級尊線活動將於同日起結束。

點擊圖片放大

帖文引起熱議，部分網民對新安排感到不滿，表示原本以信用卡八達通回贈可以減低車費，如今優惠一削再削。也有網民指過往曾靠搭龍運或P線賺取回贈，加上P線車型已換成普通車，質疑所謂星級體驗早已名存實亡。（按圖睇5大缺點）

點擊圖片放大

網民力撐抵玩：又快啲又少人

但亦有不少乘客認為星級尊線「$5真係算抵」，尤其是在繁忙時段，人流較少，又可以節省通勤時間，「P960係補$5，又快啲又少人，其實抵玩既，追到時間」、「P車本來就係快啲靜啲」、「想靜，少人，P車也是一個選擇」。亦有人指出，月票顧客本身已享優惠，票費比起原價仍然吸引，而且新安排有助分流，提升星級尊線的使用率。