聲秀｜甄敏芳露背長裙女神降臨迷倒吳業坤 被指特選靚女搭檔隔空擁抱表現怕醜
TVB歌唱選秀節目《聲秀》上集「歌手助力戰」6位學員中胡子貝Matt直接進級，今集除了出場的助力歌手陣容強勁，更誕生兩組超高分「9字頭」組合，更有組員獲得評審陳奐仁給出20分滿分！
《聲秀》下半場「歌手助力戰」
今集演唱歌單如下：（排名不分先後）：馮熙燮Ryan、王灝兒JW《逃生門》；蕭凱恩Michelle、糖妹《我的驕傲》；張津銘、莊錠欣Elkie《我的回憶不是我的》；甄敏芳Jenny、吳業坤《原來只因深愛著》；林潔心Bibi、小肥《我們什麼都不是》；司徒泆Haru、Xix《火熱動感La La La》。今集五位評審（排名不分先後）繼續是：舒文、陳奐仁（Hanjin）、郭偉亮（Eric Kwok）、雷有輝（Patrick Lui）及周錫漢（Randy）會進行評分。
今個回合最低分的5位學員將落入危險區，至於最終邊3位學員被淘汰，除了由5位主評判決定外，將有10位由製作組特別邀請的KOL組成的評審團來進行投票。主評審每人有兩票，而KOL則每人有一票，投選最值得可以留低的學員。而票數最低的3位學員將會離開《聲秀》舞台。
「靚聲王」蕭凱恩聯同糖妹獻唱《我的驕傲》
這位獲得陳奐仁給予滿分的組員，是譚耀文組的「靚聲王」蕭凱恩Michelle，她聯同糖妹演繹《我的驕傲》，無伴奏的開場伴以超清澈的歌聲，聽到評審陳奐仁（Hanjin）拍晒手，更向譚耀文畀心心手勢，Hanjin：「原因好簡單，因為喺節目入面我第一次聽到一個完全完整嘅演出，冇伴奏開始好震撼，和音編排好合理，亦都唱得好乾潔，成件事就係音準好、節奏清楚、意境明顯、演出完整。」
雷有輝（Patrick Lui）：「成隻歌所有編排都係100分。」舒文：「暫時睇咗咁多performance，呢一個起𠄘轉合係最好，Vocal arrangements 好好，做到Rock musical嘅感覺。」
大熱甄敏芳吳業坤獻唱《原來只因深愛著》
今集另一搶焦位，是蘇永康組大熱選手甄敏芳Jenny聯同吳業坤（坤哥）獻唱《原來只因深愛著》；Jenny一身露背長裙亮相，女神氣場滿分！Jenny甜美聲音配合坤哥溫暖而具感染力的聲音，相當有火花，連有份監製歌曲的評審舒文及周錫漢（Randy）亦異口同聲大讚！
舒文：「我覺得坤哥同Jenny都進步咗，最少聽到佢哋嘗試去交流，好似打網球咁，Jenny比上次大膽咗、有feel咗。」Randy讚Jenny有非常明顯進步：「唱歌有進步，非常明顯，我想畀其他學員知道嘅就係，你take risk你就有reward囉，呢個係一個幾有勇氣嘅Move。」
Hanjin：「Jenny今日做咗一樣我好鍾意歌手做嘅嘢，就係好積極喺自己能力邊緣嘅設計，上台跟足自己設計盡量做到最好。」
搞笑的是，主持陳懿德訪問二人時取笑坤哥謂：「你明明係Hubert路過導師嚟架喎」，之前坤哥曾義氣教穎喬 Ziva、周智敏Emily唱歌，坤哥聞言即自嘲小氣謂：「上次都係有緣經過架啫，但我見到佢哋都冇多謝我，我就離開咗，我好小氣架！」
雖然坤哥「話明小氣」，但Hubert仍處變不驚謂：「咁咪造就你今次咯（同靚女合唱），用心良苦呀，我特登咁鋪排架！」陳懿德聞言再補刀：「你想同Jenny唱，見人哋靚女。」二人夾攻下搞到坤哥大嗌救命：「我好危險呀，依家。」而坤哥演唱完後，又與Jenny來個「隔空擁抱」，表現更相當「怕醜」，認真搞笑。
港生活人氣娛樂新聞
↓【立即睇】最新演唱會時間表！附搶飛連結↓
↓隨時隨地睇《U GO》！↓
↓【限時搶⚡】日本ICHIKAMI純和草洗護髮系列↓
↓柔韌順滑｜雙重保濕↓
假日好去處