沈震軒突然北上被傳欠債財困 6字回應揭真相！因一事狂接Job等錢使
早前沈震軒與梁烈唯、高鈞賢、黃長興、黃嘉樂等人，在內地抖音節目《今晚好犀利》中，組成「好犀利男團」跳唱片段，在網上瘋傳。離開TVB已久的沈震軒突然亮相，亦引起網民關注，更有人笑稱沈震軒可能是欠債才不得已犧牲「色相」，而日前他亦親自回應「欠債」傳聞！
沈震軒親自回應被傳欠債
早前有傳沈震軒為了還債不惜成為200歲「中佬男團」，而日前他亦在社交平台上拍片回應，他在片中先是感謝觀眾對他的關注及鼓勵的留言，而對於「欠債」傳聞他亦笑著澄清：「我唔知我班兄弟有冇爭人錢，不過我自己係冇爭人錢嘅！但係我係需要賺好多錢。」雖然沒有欠債，不過亦直言等錢使。
直言等錢使 ：需要賺好多錢！
沈震軒再表示：「點解呢？同大家一樣，我要養家，我亦都希望可以賺多啲錢，畀更好嘅生活我身邊嘅另一半。大家亦都知道我係Gym Room老闆，我亦都需要出糧畀我員工。」之後他又指最主要的原因是自己今年計劃做導演拍電影，需要投放大量資金：「需要大量資本、資金，可惜我唔係含金鎖匙出世，後面亦冇『金主爸爸』，所以我有咁嘅夢想，靠自己雙手爭取返嚟。」
網民打氣：好有承擔！
沈震軒亦撰文表示無論如何自己一直保持住對演藝行業熱情，希望憑着自己的努力影響關注他的觀眾，一齊大膽去追夢。而影片一出後，亦令不少網民留言為他打氣：「依家見到你為夢想進發 都好為你開心 希望你可以拍一部有質素嘅港產片」、「加油 一個男人肯放低面子去照顧頭家 係好有承擔 」、「絕對係我最敬佩嘅頭幾名」
港生活人氣娛樂新聞
【狗主必睇🐾】毛孩品牌活動體驗招募 x 日常分享📸！
↓請您去👻香港首個萬聖節音樂嘉年華《SPOOKY Halloween🎃》↓
↓攤位遊戲／特色市集／國際巨星與本地歌手聯衝擊詭魅舞台↓
假日好去處