巨塔之后丨黃庭鋒大學生警察醫生角色通殺曾當9個月「醫科生」一個原因決定放棄

文: 鄭惠文

3小時前

無綫台慶劇《巨塔之后》，除了有兩大女主角宣萱及陳煒外，亦有不少新演員，昨晚黃庭鋒首度登場即引來網友注意，這次飾演年輕肝臟外科明日之星的庭鋒，甫登場便當機立斷為病人進行心包穿刺手術，之後又不負一妍所望成功完成重要手術的肝移植部分。這次演活朝氣潛力醫生的庭鋒，獲網民大讚入型入格兼有顏值。

首演醫生角色大感興奮：可以話係圓夢

在圈中是知名學霸的庭鋒，原來修讀體育系碩士前，曾修讀了為期九個月的中文大學醫學院公共衛生學系Master，庭鋒接受訪問時透露：「當時我覺得既然咁難得可以讀Master，就想試吓有冇其他出路，然後我就去咗中大醫學院嘅公共衛生學系面試。當時其實我係Full Time喺國際學校教緊體育、Part Time做體育主持，再額外抽時間讀呢個Master。」

點擊圖片放大

曾當9個月「醫科生」一個原因決定放棄

他又再表示：「但好記得當年呢科第一個Test已經肥佬咗，跟住我就發覺，喺咁唔夠時間嘅情況下，都係讀番一啲自己最拿手嘅嘢好啲，所以最後就揀返體育學科讀。」庭鋒又笑言自己向來是醫療劇忠粉，故對於能夠首演醫生大感興奮：「我一直都好期待做醫生角色，之前睇《On Call 36小時》同《星空下的仁醫》已經好想做醫生，加上我鍾意睇醫療劇，所以今次都可以話圓夢。」

點擊圖片放大

網民：每次演出都令人驚喜

除了讀書了得，庭鋒的「運動健將」身份亦為人熟悉，庭鋒於英國寄宿學校唸高中期間，曾是學校足球隊唯一亞洲球員，並主力踢前鋒；另他亦曾參與不少學界和區際足球賽，並在阿根廷、智利校際賽中獲得「最有價值球員獎」、文武雙全。黃庭鋒今年的劇集成績亦相當不俗，除了在不少劇集中有發揮外、演出的角色亦相當多元，包括《富貴千團》的「老千大學生」、《麻雀樂團》的正氣警察，加上今次演出專業醫生入型入格，難怪獲網友一致讚賞可塑性極高。