港姐季軍袁文靜爆響口多謝Bob「XX」惹嘩然林盛斌水洗都唔清IG留言極大反應

文: 鄭惠文

4小時前

現年27歲的袁文靜（Jane）是2025年香港小姐競選季軍，本身廣東話並不流利的她，在才藝表演環節中的「Rap」表演，更是引起全城熱話。順利加入TVB後的她，工作機會亦不少，近日夥拍金牌司儀林盛斌Bob拍節目，但卻因廣東話問題或手文之誤而弄成烏龍事件，惹來起網民熱討！

袁文靜感謝Bob「包含」

近日林盛斌與出爐港姐施宇琪及袁文靜拍攝新節目，而Bob更在社交平台上大讚兩位：「好開心同兩位香港小姐合作，Miss A 同文靜老師，佢哋第一次做主持，都好叻㗎啦，支持吓佢哋啦！」而袁文靜亦留言感謝Bob的照顧：「謝謝Professor Bob的包含，我們會繼續努力🙌」相信是不小心將「包涵」打錯做「包含」。

點擊圖片放大

林盛斌水洗都唔清

而袁文靜的小烏龍事件，亦被Bob發文再打趣：「袁文靜，應該係過去呢幾年，最可愛嘅香港小姐之一。話說我今朝出咗個post，隔咗冇耐就見到呢個留言。其實我知道你啲廣東話講得唔係太好，只係冇諗過，你寫出嚟都會係咁。我諗以後你打字都係手寫或者用返拼音，唔好再用語音啦，如果唔係好易賴嘢。呢鑊真係水洗都唔清，點同老婆解釋好呢……..」

點擊圖片放大

IG留言極大反應

不少網民都有留意事件，亦紛紛留言開玩笑：「包含，真係直接！」、「欣賞佢咁大方咁講出嚟🤭」、「最緊要正字😂😂😂」、「包你舐晒嘢！」、「不要亂諗野！😂」、「你真係好搞笑😂」、「應該佢打拼音打咗第一個」、「所以話呢廣東話真係要學好先好用語音」；而袁文靜本人亦尷尬表示：「啊呀救命看來《攻你上大學》最應該留班就是我😂😂😂」