古淖文被屢傳真正身份為肥媽私生子 4字回應揭終極真相！當年今日情如母子

受梅艷芳影響立志當歌星

作為家中獨子，古淖文幾歲已受梅艷芳影響立志當歌星，求學期間已當上宴會歌手，亦因是少數澳門土生葡人兼讀葡文學校，古淖文2009年已獲安排代表澳門特區，與陳慧琳、張惠妹及孫楠等三地巨星合唱全運會主題曲。

故此，他同年獲朋友推薦過江參加《亞洲星光大道》，他坦言最初自視極高，「嗰時自我感覺非常良好，覺得自己高大靚仔唱歌跳舞都勁，震音又夠震，諗住贏硬，點知衰咗！」

+2

點擊圖片放大

父母經濟支持 堅持追夢

獲第五名及最佳台風獎後，古淖文簽約亞視留港發展5年，他稱月薪不足以生活，幸有肥媽帶他出埠登台及澳門父母的經濟支持，「月薪得7000蚊，都無辦法，問澳門阿媽攞住先，屋企人佢哋一定幫。」

古淖文指幸好沒家庭負擔，父母亦不需他供養才容許他一直追夢，「廿幾歲都問阿爸阿媽攞錢唔羞愧，哈！因為阿爸阿媽係公務員，都有積蓄，亦擔心我呢個獨仔，咁我當時搵唔到吖嘛，我搵到畀返佢哋，都係應份。」

懶理被指肥媽契仔兼私生子

2014年古淖文與亞視約滿，適逢有公司邀請他回澳門繼續唱歌，雖然期間推出過一張專輯，但他慨嘆十年間由歌手變成宴會主持。兩年前36歲決心再來港參戰選秀騷《中年好聲音2》，古淖文重申與肥媽無關，「佢無畀任何貼士，仲同我割席添。」當年與今天，古淖文同樣備受Haters 攻擊，「成日話我人妖呀，肥媽契仔兼私生子，係得啖笑！」

+2

點擊圖片放大

點擊圖片放大

直言：無辦法取悅所有人！

但今天古淖文EQ已不同，「唔嬲，因為明白無辦法取悅所有人，最緊要了解自己、愛自己，要知道自己係乜嘢人，要做好自己想做嘅嘢，當你做好每一件事，無論唱又好，演唱會都好，自然會有人欣賞你，歌迷同貴人就會出現。你唔去做好，就乜都無。」至於樂壇前輩甄妮都指他「油膩誇張」，古淖文說：「唔介意，反而開心，殿堂級前輩都留意我，就要虛心學習。」