聲秀｜柯雨霏3:2鍊贏馮熙燮直接晉級決賽兩首陳蕾歌《沙門》VS《伸縮自如的愛》

文: 羅志宏

3小時前

《聲秀》日前播出的第一個「突破回合」，9位成功躋身準決賽舞台的學員，齊齊跳出Comfort Zone以平時較少呈現的風格或演繹方式演唱。最終成功「突破」自己並奪得超好成績的，是兩大熱門柯雨霏Ophelia及馮熙燮Ryan，二人除不約而同獲讚演唱直達「表演級數」，更同樣獲得全集最高分89分。

柯雨霏中式透視＋鐵鍊暗黑造型演唱《沙門》

泳兒組的Ophelia一向以甜美清泉形象示人的Ophelia，以暗黑造型—中式透視、狂野黑色鐵鍊、紅色指甲油演唱《沙門》；獲導師泳兒激讚「搵番團火」的Ophelia，充滿自信的演繹獲得89分。Ophelia事後形容自己的突破位是「污糟」：「其實我唔係清泉，我比較污糟。」

評審陳潔靈連環讚「做得好」：我個耳仔突然Fresh晒

雖然Ophelia自嘲「污糟」，但評審陳潔靈Miss Chan Chan卻大讚「清新」，兼一再大讚Ophelia「做得好」：「我覺得我個耳仔突然Fresh晒，開頭嘅高音唱得好，你用嘅梵音用得非常之好，我覺得你嘅聲音突破咗、你嘅心靈上突破咗，所有嘢做得非常好，做得好，Yeah！」而今集首次出現的DJ評審團亦大讚。李志剛：「好正呀，好正！」范振鋒：「第二段Verse層次不斷Build Up，好似睇緊演唱會咁。」

點擊圖片放大

馮熙燮二度「女歌男唱」沖涼飲歌再奪佳績

至於蘇永康組的馮熙燮Ryan，曾於「學員助力賽」中憑「女歌男唱」《趁你旅行時搬走》獲得超高分數，今次再下一城「女歌男唱」重新演繹《伸縮自如的愛》，更成功擺脫以往深情tone，「舞」出動感舞台，感染力＋活力十足的舞台成功獲取89分。

評審Miss Chan Chan坦言自己其實十分期待Ryan的演出，並大讚：「一直我都好欣賞你嘅，我期待睇到你嘅演出，我覺得你跳舞好自如。」Ryan的感染力，令原本對相關表演感到抗拒的陳奐仁，亦忍不住要給出高分：「我覺得你揀咗呢個方向係老土嘅，但呢個係一個比賽，技術層面嚟睇，你呢個演出難度超級高，做得好係最緊要嘅。」