「寡人」林峯穿越港鐵站遇鍾嘉欣廣告彩蛋變《溏心風暴之家好月圓》外傳！
林峯時隔二十四年再以霸氣「寡人」現身幕前，為港鐵拍攝新一輯新鐵路廣告《尋．未來記》，預告片連同一連兩集正片接力推出，粉絲們終於再有「等劇播」同「追劇」嘅感覺。港鐵今次更大玩港人集體回憶，召喚已經長大成人變成大隻仔嘅「打波先黎落雨的四眼仔」鄭仲軒Eric本尊聯同林峯合演經典橋段，又重現當年情人節喺花墟一人買兩紥花嘅「花先生」，將集體回憶以創意延續，再創新經典。
「常在心」鍾嘉欣終極登場
港鐵全新廣告短片《尋．未來記》裏面，上集片尾出現鍾嘉欣，她更大叫「管家佬！」，預告還有下一集。網民隨即在網上瘋傳這一幕，更高呼期待林峯與鍾嘉欣合體。「管家佬」是來自TVB經典劇集《溏心風暴之家好月圓》，劇中鍾嘉欣飾演的「常在心」對林峯的稱呼，他們兩人更是多年來極受劇迷喜愛的CP。
林峯鍾嘉欣廣告彩蛋變《溏心風暴之家好月圓》外傳
萬眾期待，以經典劇集角色「常在心」登場嘅鍾嘉欣，一句「管家佬」立即引起全港劇迷觀眾哄動，瞬間連結近十七前嘅煲劇時光。千呼萬喚，作為林峯經典螢幕情侶嘅鍾嘉欣，終於喺第二集廣告壓軸登場！
「寡人」在港鐵站偶遇「常在心」鍾嘉欣與推著BB車的「管家佬」林峯甜蜜鬥嘴，鍾嘉欣在片頭更提到：「有咗仔仔嘅第300日，晴」似乎是延續《溏心風暴之家好月圓》的結局，常在心與管家佬結婚後幸福美滿，呼應了當年劇中二人的心型蛋糕「白頭到老」。
將《溏心風暴》兩輯嘅經典角色crossover，為一眾港劇迷送上呢對經典情侶角色嘅平行時空終極大結局，重燃大家對呢對CP嘅熱愛。「常在心」見到「花先生」為妻兒準備鮮花，投訴「管家佬」兩手空空唔記得慶祝紀念日，發火提出一系列要求，要去屯門南站去海邊玩、食海鮮、行山、睇日落、四圍打卡！面對老婆連番轟炸，愛妻寵妻嘅「管家佬」從容面對一一答應。
「常在心」聽到「管家佬」嘅甜蜜承諾後笑返哂，「管家佬」憑港鐵日益壯大嘅發達網絡，以「心」連結四方。而「常在心」就喺乘客街坊起哄下改名做「常在東南西北」，展現港人最熟悉嘅電視劇經典BBQ式大團圓結局。
林峯自爆以為《溏心一》只係客串 鍾嘉欣感恩廣告再續角色前緣
林峯話今次飾演寡人穿越時空，令佢重溫昔日搭港鐵返學的情懷，佢亦笑稱對古洞並不陌生，因為該地方屬古裝拍攝勝地，從未諗過未來會有古洞站的出現林峯笑稱：「如果拍時裝嘅可以，但拍古裝冇理由帶住個頭套去搭車，都唔系唔得嘅，不過怪啲！」林峯：「當年我拍《溏心一》時本來諗住淨係客串，同埋未試過一個角色淨係負責拍拖，果陣日日都係同嘉欣一齊開工，點知拍拍下越嚟越多場口！但其實都好開心嘅，因為可以創造咗令觀眾記得嘅角色！」
睇片《尋•未來記》
上集詳情：
鍾嘉欣台上感動爆喊林峯暖心拭淚 常在心Alfred世紀合體唱《心領》
林峯一連七場的紅館演唱會【GO WITH THE FLOW 林峯演唱會LF LIVE IN HONG KONG 2025】邀來鍾嘉欣（Linda）擔任嘉賓，粉絲期待的畫面終於上演！林峯與昔日螢幕情侶鍾嘉欣「世紀合體」，促成了《溏心風暴》中「Alfred」與「常在心」相隔十多年後的再度同台。
林峯與鍾嘉欣屬港劇界經典CP，當晚鍾嘉欣一升上舞台便感動掩面，唱出《馴獸師之王》，觀眾立即喝采尖叫，鍾嘉欣聽到現場熱烈歡呼聲不禁落淚，林峯即上前抱抱好拍檔，更以劇中角色程亮的口吻說出經典對白：「沒有常在心的七千九百天！」此話一出，讓鍾嘉欣忍不住激動落淚。
圖片來源：官方提供、YouTube@mtrhongkong
港生活人氣娛樂新聞
↓ 贏雙紅會名宿親簽周邊！↓
↓分享球賽精彩瞬間，一齊回憶每場球賽熱血沸騰嘅時刻！↓
↓【限時搶⚡】Binggrae SIZE UP咖啡↓
↓香濃順滑牛奶咖啡｜香氣濃郁美式咖啡↓
假日好去處