日本旅遊中伏記｜豪花千元體驗「出租男友」服務！港女狂呻中伏怒數3宗罪：過程十分煎熬

東京租男友慘變災難現場！港女呻「中晒伏」

樓主在Threads發帖，表示在網上看到有許多人都分享日本體驗「出租男友」的服務，加上她與朋友剛好會到東京旅遊，直言「悶悶地就諗不如租個試下，純粹當識個新朋友，完全無特別目的」。

當時樓主與朋友經當地出租男友平台預約「出租男友」，很快鎖定了一名28歲的男生，「睇相唔錯幾陽光，喺line度都多嘢講，覆得快，全程用英文打字溝通正常」，雙方敲定了三個小時的行程，包括食拉麵、影貼紙相及唱卡拉OK。

沒想到，就在約會當日的前一小時，男方突然表示自己「唔識英文」。現身後更與照片判若兩人，樓主與朋友大嘛一跳，直言「我哋完全認佢唔到，毒L樣，好似三日冇瞓覺，黑眼圈大到熊貓咁，頭又唔gel」，三人寒暄幾句後即陷入死寂，加上對方全程面無表情，樓主大失所望坦言「中晒伏」。

【原帖文】

港女豪花千元買到超尷尬約會過程

起初，樓主與朋友以為對方只是臨時狀態差或太緊張，「諗住坐底食野會好傾啲」，便決定按照原訂行程去食拉麵。男方自稱愛吃拉麵，自告奮勇安排餐廳，卻把他們帶到一間香港亦有分店的連鎖拉麵店「一風堂」，令人感到錯愕。而且約會過程中，無論是用餐交談間，還是影貼紙相、夾公仔，男方一副愛理不理的樣子，令氣氛極度尷尬，樓主直言「毫無營養嘅對話十分煎熬」。

尷尬約會過程全曝光

+10

+9

點擊圖片放大

日本「出租男友」3宗罪 港女：可能我哋期望太高

事後，樓主留言補充更多當日約會細節，強調自己「有俾埋食飯錢」，但她坦言「可能期望太高個落差令到我哋失望」。同時，樓主也列出對方三大罪狀，並貼出男方在出租男友平台上以及現實上的照片。

▼力數日本「出租男友」3宗罪▼

+2

點擊圖片放大

網民懷疑是撞Booking換人：好伏呀

帖文一出，隨即在網上引發熱議，不少人認為懷疑是撞單換人，指「本身個出租男友撞咗Booking ，所以飛單去咗嗰毒L度」。亦有人笑言：「 原來出現就得咁好賺，仲有免費拉麵食」、「睇完原來我都可以做出租男友」。

點擊看網民留言

+9

+8

點擊圖片放大

不過，另一派網民則認為是同一個人，紛紛留言「樣本身無太走樣，只係完全hea打扮」、「一樣樣喎，只係無打扮，ok la都幾靚仔」、「認到係同一個人，五官都唔差」，亦有人質疑對方是抱著「外國人唔會投訴所以hea做」。

網民驚訝「咁都唔彈鐘？」

不少留言集中樓主「太好人」，認為「見到唔對路應該彈佢個鐘」、「咁既質素服務態度，請你地收返佢18000yen唔該」。更有網民直言：「好明顯當樓主水魚」、「有冇得投訴叫佢回水」。

來源：Threads