37歲妹姐盧頌恩激瘦舊照曝光判若兩人親揭身形巨變因為一個原因暴脹

文: 鄭惠文

5小時前

現年37歲的盧頌恩(妹頭)，2014年起夥拍李尚正(阿正)主持《臥底旅行團》，而被封為有線一姐。李尚正經常於節目揶揄盧頌恩當模特兒時期曾灌錄歌曲《下午茶》，當年妹頭弗爆清純的MV至今仍可於於網上找到。而她在接受雷霆881商業一台《星光背後》專訪時，亦大談入行經過。

曾做𡃁模入行

妹頭不諱言唸中學時已有夢想考演藝學院入行，惟母親反對令她轉讀理工，不過唸大學期間遇上當龍友模特兒的機會，輾轉又讓她走進娛樂圈，「我唔算𡃁模，𡃁模再索啲，嗰陣覺得好玩又賺錢又可以分擔媽咪負擔，當時好興『影會』，佢哋啲相機都好Pro喎，又打晒燈，係好多人一齊影一個女仔。我擺唔到性感甫士，都係扮可愛。」

點擊圖片放大

被模特兒公司看中加入娛樂圈

不過，這些龍友相卻令妹頭被Jam Cast公司看中，再羅致成旗下模特兒，之後安排她參與商台與TVB合作的《十人巷》，繼而讓她走上主持之路，分別於亞視講馬及有線主持足球節目。妹頭更指首兩、三年入行做Freelance主持收入極可觀，「最高峰試過月入六位，細個覺得好OK，但真係忙到無得休息，廿四小時不停Loop，我都唔明點解自己嗰幾年可以捱到同咁勤力。」

點擊圖片放大

身形變化受創業壓力所致

相比2014年首輯節目，妹頭近數輯的《臥底旅行團》身形變化甚大亦備受談論，她指是因為疫情期間創業投資於足浴店承受壓力所致，「真係由創業一刻開始，真係壓力大，瞓覺前一刻都諗鋪頭濕碎嘢，譬如好細微嘅裝修改動、揀邊隻廁紙都不停諗，無得釋懷，只能夠適應，無乜所謂，因為身形多咗人談論都係一件好事，公司又完全唔理，好正喎！」