金式森林丨梁敏巧拍劇6年首次演有名字角色 客串「八婆網紅」白鴿眼超搶戲
TVB台慶劇《金式森林》早前一集劇情講述網紅May在街頭直播時巧遇新聞人物方芷君（江嘉敏飾），遂強逼芷君上鏡之餘，還向芷君連番挑機：「做唔到方仰天（郭晉安飾）個女係咪好唔Gur」、「告我吖，講事實」、「打我吖，你唔夠膽呀？」被逼到埋牆的芷君欲出手怒摑網紅May時，事件驚動警方並鬧上差館…
梁敏巧客串「八婆網紅」超搶戲！
為免芷君成為「方家第一個監躉」，高深（羅子溢飾）為芷君安排和頭飯局，自覺佔盡上風的May起初已一臉臭寸，吐出口中食物嫌棄有渣之餘，還扮頭痛走人玩拖字訣：「依家係你買我怕，我鍾意幾時頭痛就幾時頭痛，你唔好以為講聲Sorry就冇嘢，就算你畀番一百幾廿萬我，我都未必肯跟你和解。」
白鴿眼連環囂張挑機
臨走前還態度惡劣吩咐高深：「喂！你呀，叫啲Waiter嗌啲最靚最貴嗰啲嘅咩和牛呀、魚子醬呀打包，叫埋攞埋落我架車度。」不過好戲在後頭，原來高深一早已錄下阿May所有惡行，並表示公開片段可令她身敗名裂，自知冇得鬥的May即時一秒變順攤簽下和解書之餘，還以極巴結口吻向高深及芷君道謝兼道別。
嘴面入型入格八婆格
早前憑《女神配對計劃》人氣急升的梁敏巧Maggie，這次再憑《金式》的忘我八婆變面式演出再下一城，無論手勢、肢體語言、語氣及嘴面，全方位都是不折不扣的八婆格，相當厲害！難怪贏盡網民正評，紛紛留言希望她日後拍多啲劇。Maggie接受訪問時，也直認阿May是她入行以來第一個有名字的角色：「亦係最多對白，同埋係我第一次試做八婆啲嘅角色。」
透過日常生活觀察及反覆練習自學演技
Maggie續指由於角色只是客串性質，故準備時間也不太長，但她都有爭取時間每日在家中將每句對白至少讀100次！相當敬業。Maggie：「同一句對白我會練習100次左右，同埋盡量Explore唔同嘅語氣，然後搵一個自己最舒服嘅語氣去Present。咁樣亦方便配合對手，等對手回番我時，我袋入面有一個適合又舒服嘅反應」
港生活人氣娛樂新聞
【🍽️請您免費試食！】
↓Oliver's Super Sandwiches全新餐單↓
↓【立即睇】最新演唱會時間表！附搶飛連結↓
↓隨時隨地睇《U GO》！↓
假日好去處