張頴康凌晨突然宣布離巢TVB「再見了」親謝劉德華栽培！10年前奪男飛躍後勁不繼

文: 鄭惠文

2小時前

現年43歲的張頴康，在中學時期一次機緣巧合下，去了劉德華公司成功簽約，可惜卻因欠缺天份打消繼續闖樂壇念頭，並轉投影視圈，加入TVB報讀藝訓班，在2016年勇奪「飛躍進步男藝員」殊榮。近年，張頴康逐漸受重用並於劇集《痞子殿下》、《換命真相》、《逆天奇案》等有不錯發揮機會，演技備受肯定。不過日前他就在社交平台發文宣佈離巢TVB！

張頴康宣布離巢TVB

日前張頴康在社交平台發文宣佈離巢：「再見了TVB！所以喺TVB嘅最後一日，影咗啲相留念！19年，真係一個唔短嘅日子！拍完最後一個鏡頭，原來眼淚真係會忍唔住留咗出嚟！」並重提當年劉德華的建議下加入TVB「在19年前，華哥（劉德華）安排咗我加入TVB嘅訓練班，希望我可以好似佢同家棟哥哥一樣，接受TVB木人巷嘅訓練！」

點擊圖片放大

撰長文感謝幕後同事

之後他亦感謝曾經幫助過他的幕後同事：「同10年前我攞飛躍進步男藝員上台時講嘅一樣，我要多謝家豪哥，小青姐，黃偉聲，張乾文，陳志江，方俊釗！多謝你哋俾咗好多機會我，成就我演出咗多個感動到觀眾嘅角色！」並指在近年因與鍾澍佳的合作，而令自己更有信心，對演戲領會到另一個層次！

點擊圖片放大

「係劉德華同TVB栽培出嚟！」

之後他亦表示感激在TVB遇到太太麥雅緻：「多謝TVB！多謝你俾咗我一個咁好嘅平台，讓廣大嘅觀眾認識到我呢位演員！多謝你俾我認識到我眼中獨一無二嘅東張女神麥雅緻，然後仲成為咗我嘅老婆，俾咗我一個幸福完美嘅家庭！」最後他自豪宣佈畢業「好喇！19年後嘅今日，我終於可以好自豪咁講一句：『我張頴康，係劉德華同TVB栽培出嚟嘅演員！』」