51歲陳煒親揭因一個人決定與前夫離婚再婚後罕曝生B真實想法：「佢自己有啦」

文: 鄭惠文

4小時前

96年亞姐冠軍陳煒（煒哥）曾因首段婚姻淡出幕前4年，2012年轉投TVB復出，十三年來由配角走上一線花旦再創事業高峰。在2008年與比她年小三年的台灣商人顏志行結婚，但二人於2012年離婚。後來她認識同樣經歷過婚姻失敗的圈外醫生男友陳國強（Aldous），2022年正式再婚。而她日前接受電台節目《星光背後》專訪，亦透露自己對生育計劃的想法！

因媽咪決定與前夫離婚

煒哥指：「媽咪09年開始肝癌，11年離開，嗰陣除咗我返嚟香港，亦有接媽咪去台灣做treatment，佢都有同我前夫一齊生活嘅時間。其實媽咪係睇到我同前夫點相處，好記得佢曾經講過一句：『如果唔啱，分開啦。』聽到佢呢句，突然覺得佢好豁達，唔似以往我心目中忍耐爸爸嘅媽咪，所以最後我決定同前夫分開，都係因為媽媽呢句說話而釋懷。」

揭婚姻失敗是缺乏溝通

煒哥說過跟台灣前夫的婚姻失敗是缺乏溝通，而她與現任丈夫都經歷過一段婚姻，她發現與陳醫生最夾就是「什麼都攤開講」，「雖然我同佢都好I (Introvert內向型人格)，但我哋相處會無所不談，每日發生嘅嘢都分享，佢好清楚我，我又好清楚佢，大家就唔使估嚟估去，我所有拍戲拍檔，尤其係男對手，都一定會識得我老公。」

點擊圖片放大

51歲陳煒透露生B真實想法

雖然一拍拖就認定對方，但煒哥笑老公於她48歲生日才求婚是來得有點遲，「事前無傾過，但少少feel到，唔踢爆佢啫。點feel到？47歲已經覺得係佢啦，哈哈！遲咗一年喇，因為大家都認定咗對方，要猶豫要諗係最初拍拖階段，觀察佢一段時間，已經決定好啦，爭在佢未求婚啫。」問夫妻二人婚前有沒有想過有下一代，煒哥說：「佢自己有下一代啦，我真係無乜點諗過，而家我哋兩個幾自由吖。」