金式森林｜最後一幕獲激讚唔爛尾求開續集  戲外彩蛋集體還陳曉華一個公道

最後一幕獲激讚唔爛尾求開續集

大結局劇情講到全程想著仰天、又笑又喊吃著魚蛋的林澄，當被老闆問到「係咪好辣」時，哽咽回答的一句：「好辣，但係好好食」，極痛的聲線已令人動容；加上劇組加插的昔日回憶片段以及吳業坤插曲《還剩一件未做的事》（已被網民封為神曲）的加持，催淚程度爆燈…

陳曉華又喊又笑食麻辣魚蛋

最後「仰天」突入緊握林澄的手、露出寵愛又憐惜的眼神，配以林澄含淚向仰天展露既開心又欣慰的笑容，令網民免疫力盡失，留言喊難以置信的同時，還封《金式》為2025 TVB劇集佳作：「呢套係我近年睇嘅劇中，喊得最厲害嘅一套」、「故仔好淒美，郭晉安同陳曉華都演得好好」、「好有火花，真係感受到純純嘅愛」、「我平時都唔會喊，今次竟然流眼淚」、「結局幾好，唔係爛尾收場，值得一讚」、「最純愛故事」。有網民更提議開拍續集，並以喜劇形式延續：「開第二輯？用喜劇形式大家開開心心演出吧。」

+4

+3

點擊圖片放大

戲外彩蛋集體還陳曉華一個公道

昨晚另一個《金式》餘波，是大量網民覺得方家大合照竟然有高靜（郭柏妍飾）都冇林澄，以及林澄一人救咗成個方家都沒有人說過一句多謝感到氣難平，不過其實方家全體早已「痛定思痛」。

昨晚劇中主要演員約埋食飯睇大結局期間，方家三子—何廣沛、陳浚霆、羅天宇為了「贖罪」，代表方家向林澄補送「齊腳全家福」之餘，還送上「We are so sorry」心意咭及寫下氹番林澄的字句，相當有心，為《金式森林》劃上完美句號。

+3

+2

點擊圖片放大