全運會｜呂爵安訪問蔡俊彥遭瘋狂窒爆「你走音係咪成日唔開心」Edan表情秒變成焦點
全運會男子花劍個人賽今日（16日）上演，港隊主將蔡俊彥（Ryan）於八強止步。賽後ViuTV派出「特派體育記者」呂爵安（Edan）直擊訪問，由於二人是大學室友兼好友，訪問瞬間演變成一場爆笑的「互窒」大會。Ryan妙語連珠地揶揄Edan「走音」，而Edan則尷尬深呼吸，表情秒變成焦點！
Edan訪問蔡俊彥遭瘋狂窒爆
蔡俊彥一見到「特派體育記者」Edan現身，即笑言：「唔怪得之輸啦！」、「因為你！」當Edan嘗試以記者身份詢問 Ryan 賽後心情時，蔡俊彥隨即開口互窒，將好友Edan「走音」的話題開玩笑。
蔡俊彥妙語連珠狂窒走音黑歷史
Ryan妙語連珠地揶揄：「本來好唔開心，見到你開心好多……都冇唔開心嘅，都大個啦唔會因為一次失落好唔開心，好似你咁，會唔會因為走音唔開心，如果唔係，你咪成日都要唔開心？」Edan聽到Ryan鬼馬窒一窒，面色一變，只能尷尬地深呼吸，一秒強裝鎮定笑言：「係呀係呀，我都大個...」
Edan表情變化成焦點
Edan隨後不甘示弱反擊：「咁我走音嘅頻率應該冇你輸得咁多。」蔡俊彥則笑著回應：「冇冇冇，你好少唔開心！」
好友鬥嘴笑翻全場
當Edan認真提問比賽表現時，蔡俊彥就稱自己狀態不佳「病病地」兼有「Jetlag」，Edan剛想接話「有好多原因」，Ryan即搶答：「好多藉口㗎，你走音都好多藉口嘛！」兩人一來一往的鬥嘴，讓訪問似「聚舊」多於工作。最後Ryan更開玩笑說現場歡呼的粉絲大部份是Edan的，整場「非一般」的訪問在笑聲中結束。
港生活人氣娛樂新聞
免費去☕️Coffee Day Rave咖啡 DJ 派對
可能係您試過最柔和嘅 Day Rave！
↓【限時搶⚡】LaCool水凝膜護手霜↓
↓輕乳霜質地易吸收、形成鎖水屏障↓
假日好去處