小斯豪擲1.37億買豪宅惹爭議！投資界KOL指冇可能 列2原因推測真相是...
近日樓市回暖信號愈見明顯。新鴻基地產旗下現樓上周更錄得大額成交記錄，旅遊界KOL「小斯」以1.37億破頂購入北角「海璇II」的特色戶。消息曝光後隨即引起全城熱議，就連從事證券、股評多年的沈振盈（人稱「沈大師」）亦有談及此事，他直言：「就算我得罪小斯都好，都係咁講，一個KOL億幾買樓，你信唔信呀？」
旅遊界KOL「小斯」豪擲逾億買海景豪宅
市場消息指，出名教人利用信用卡賺取飛行里數優惠的90後旅遊界KOL「小斯」，近日以逾億元買入新地北角豪宅海璇II一個特色戶 「鳳凰樓」(頂層對落一層）。該單位實用面積高達2,118呎，連帶430呎平台，並附送兩個車位，成交價1.368億元，呎價達6.46萬元，創下該屋苑的售價及呎價雙新高。根據土地註冊處資料顯示，買家以張鎌安（CHEUNG, LIM ON REGIS）名義登記，中英文姓名均與「小斯」本名相同，其英文名亦與他創立的網站 Fly For Miles 相同。
沈大師質疑：一個KOL億幾買樓？
消息曝光後，有人驚嘆「小斯」的吸金能力，但亦有不少聲音對事件的真確性表示質疑。日前沈大師亦在網台節目中談及此事時，直言難以相信「小斯」有能力豪擲逾億置業，並表示：「一個KOL億幾買樓，你信唔信呀？」
沈大師分析「小斯」買樓真相
節目中，沈大師對「小斯」豪擲逾億買豪宅一事直言存疑，認為其收入難以負擔如此大額開支，更指出：「一個月叻極50萬、100萬又如何，有啲嘢你諗下可能性大唔大？」同場主持蔡康年雖未正面回應，但多番語帶玄機，指出「咁啱又係新地，仲配合到同屋苑有關嘅新聞」、「我好有興趣想知個成交期有幾長」，質疑成交期是否異常拉長，其言論似乎暗示「小斯」或與發展商之間另有合作安排。
網友反應兩極！網友：邊有咁好揾呀
不少網友認同沈大師的推測，質疑「小斯」是否真有實力過億置業，認為靠拍片難以累積至可買逾億豪宅的財力，「沈大師少有講啱嘢」、「有必要咁高調嗎？」、「邊有咁好揾呀，銀行真係比好多錢佢？」亦有留言質疑為何會選擇北角的特色戶，「呢個市道大把嘢揀，會唔會走去揀新地5-6年前嘅賣剩蔗」。
點擊看網民留言
一派網友力撐小斯：有過億身家並不出奇
另一邊廂，也有網友替「小斯」抱不平，認為沈大師是「葡萄酸到爆」，紛紛留言「大師好葡萄」、「大C妒忌心真重」、「廢佬始終廢老，唔會接受新野可以搵到幾多」。
點擊看網民留言
- 沈大師即係話小斯夾埋發展商做場戲，之後唔成交都唔會殺佢訂？
- 大師好葡萄心諗我年年股市賺大錢都係得一千萬身家
- 大C妒忌心真重
- 貧窮限制思想
- 廢佬始終廢老，唔會接受新野可以搵到幾多
- 60幾歲人做左財演幾十年，及唔上一個三十幾歲後生女又真係好嬲好嬲嘅
- 佢唔識小斯，以為佢一般KOL
- 大師心諗，自己身為財經KOL都要日日開工先得千幾萬，呢個𡃁仔憑乜
- 大師做足咁多年都買唔起樓，你一個90後買成億野，點唔嬲
有人指出做KOL不代表只有影片收入，「可能人地美股大賺10倍、100倍呢」、「佢都起碼做左十年八年，近年加埋券商果D，積少成多都唔奇」。有留言指小斯多年來是信用卡界的頂級推手，收入自然可觀，直指外界不應只以「KOL」身分去判斷其財力。
點擊看網民留言
港生活人氣本地熱話
免費去☕️Coffee Day Rave咖啡 DJ 派對
可能係您試過最柔和嘅 Day Rave！
↓【限時搶⚡】LaCool水凝膜護手霜↓
↓輕乳霜質地易吸收、形成鎖水屏障↓
假日好去處