童星Jacky仔近況曝光！吳諾弘飛日本重聚1小時 大爆兒時拍劇蝕錢做

吳諾弘快閃東京與童星Jacky仔罕有同框掀回憶殺

前童星吳諾弘（Lawrence）現為全職港隊劍擊運動員，在早年開立個人YouTube Channel「NG LOK WANG LAWRENCE 吳諾弘」，不時分享旅行及生活點滴。近期積極展開「童星重聚系列」，專訪一些與自己同樣曾經是童星的熟悉面孔，例如莫凱謙、Elkie莊錠欣、陳詩慧等，掀起網民回憶殺。近日，吳諾弘分享最新一集「快閃東京訪問昔日御用童星」，他早前特意抽時間坐凌晨機遠飛日本東京，為了探訪大家想念的前童星Jacky仔（王樹熹）。

兩人從小被指「撞樣」

兩人一見就話題不斷，吳諾弘表現極興奮說：「細個已經有人話我哋好似，成日將我哋撈亂，所以我上次打奧運，跟住之後，有啲人留言話：『嘩，Jacky仔去咗奧運咩？』跟住之後，有人話：『嗰個唔係Jacky仔，嗰個係Lawrence啊!」Jacky仔都笑言附和，兩人從小已經被指「撞樣」。

Jacky仔留學日本畢業後任職PR

Jacky仔坦言在決定淡出幕前後，與其他童星好友都斷了聯絡，甚至連普通演員的朋友一個都沒有，他表示自己已完全離開演藝圈。不過，Jacky仔曾經在2019年獲導演邀請回TVB拍劇，當時他剛剛畢業，他表示：「當時有個導演搵我：『不如返嚟拍下？』其實嗰時啱啱畢業，我覺得不如再試下拍下嘢啦，（點解唔繼續？）我覺得始終喺現實啲咁諗，拍戲其實都唔係一個好穩定嘅一個工作，同埋始終睇返，我又無特別一定要拍戲，咁我覺得不如試下自己鍾意嘅嘢，我又之前喺日本留過學一陣。」

Jacky仔曾於日本神奈川大學留學，他透露現時在日本從事PR工作，不時都有參與event之類的工作，都算從事與媒體相關的行業。他強調現時算是幕後的人員，他感到好適合自己，所以選擇繼續留在這裡發展。

+2

點擊圖片放大

Jacky仔對普通人生活感到舒適

吳諾弘問他有否覺得「童星」的標籤對自己有負面的影響，Jacky仔坦言有「童星」的標籤確實會較易讓大家記得自己，吳諾弘都認為「抺唔甩」這一個標籤。不過，現時作為普通人身分的Jacky仔覺得，普通人的生活更舒適，亦好感謝吳諾弘特意飛過來探望自己。

點擊圖片放大

為童星媽平反「邊有錢賺架？」

吳諾弘與Jacky仔提到以往的訪問曾被問及「是不是媽媽推你出去演戲賺錢？」吳諾弘直言：「邊有錢賺架？」Jacky仔都認同說：「係負數架嘛！」吳諾弘表示當時父母要自己開車帶自己到電視城錄影廠，就算不開車都要叫車過去，這些都需要自費的。

點擊圖片放大

Jacky仔童星時期曾受外界攻擊

再問到以前有否受到外界的人身攻擊，Jacky仔表示當時一定有，例如「樣衰」、「呢個小朋友咁串嘅」。他亦直言若果現時回看從前的自己都可能認同這些說法，但都希望大家能夠對小朋友寬容一點。不過好處是從前網絡未有現今的發達，那些負評未必容易傳到自己耳邊，所以當時感覺都還可以。吳諾弘直問關於這些外界的負評聲音，是否導致Jacky仔決然淡出幕前的原因呢？Jacky仔表示並沒有，但相比幕前的生活，他比較享受現在的生活。

點擊圖片放大

資料及圖片來源：YouTube@nglokwanglawrence1014、IG@wongshuheijacky