中年好聲音4｜再誕3名5燈選手！聲樂導師袁帥未唱完半首歌已橫掃五燈 評審張佳添：你係最5燈嗰個5燈

《中年好聲音4》第二集再誕3名5燈選手

本周日（30日）播出的第二集，絕對可以高手雲集形容，有前準歌手之餘、還有「靚聲女高音」及「學霸級林峯」。先說「靚聲女高音」許雪榕，獻唱《囚鳥》的她，一開聲清脆的靚聲高音超級悅耳動聽、加上滿滿的感情，獲得評審們一致肯定是唱得之人。肥媽：「一開聲，一定係Classical底，有氣量、有音域、有音色…佢真係唱歌嘅料」、張佳添：「聲底靚，我覺得係唔錯，有Potential，呢隻歌你唱得ok，有起伏，牽動到我哋。」 

+2

點擊圖片放大

「學霸級林峯」謝昉益共擁3個Master學位

至於被評聲底有點像林峯的謝昉益，獻唱高難度歌曲《睡公主》獲讚基本功夠好，海兒：「你基本功全部都唔錯嘅，拍子、音準、氣都幾好嘅」，周國豐：「我覺得你聲底有啲似林峯，會唔會係日後你一個揀歌嘅選擇呢？！」值得留意的是，現職澳洲註冊心理諮詢師的謝昉益是學霸一名，共擁3個Master，分別是Sustainability、幼兒教育及心理諮詢，相當厲害。

+2

點擊圖片放大

點擊圖片放大

袁帥超靚假音好評如潮

而憑真假音轉換超暢順驚艷網民的聲樂導師袁帥，同樣好評如潮。評判之一的谷婭溦：「一邊聽，一邊好興奮！你真係好好，你有做到Enjoy呢個舞台，當我哋畀晒燈你嘅時候，你更加有自信，你仲畀多咗好多嘢出嚟添！我希望你唔好驕傲」、周國豐：「確實係今集表現得最好嘅一位參賽者，恭喜你先！你好適合去唱R&B或者唱Jazz嘅歌，因為你嘅音樂感好好，我好鍾意聽你啲Ad Lib。溦溦老師話你去到後半部份係有啲玩嘢嘅，但係係咪咁易玩到？又確實唔容易嘅，佢仲係玩得好添喎！」

評審張佳添：你係最5燈嗰個5燈

張佳添：「係爽嘅！成晚10首歌，呢首係最難唱嘅一隻，原本我冇乜期望、唔好炒粉已經好好。點知成晚三個5燈，你係最5燈嗰個5燈」、肥媽：「好難得有一位參賽者係越聽越有嘅！唔怪之得啦，原來學聲樂！」值得留意的是，袁帥2012年曾參加過無綫全球華人新秀歌唱大賽，當時成功打入全球前五名，歌唱實力早已獲得肯定。另據車婉婉透露，袁帥原來為了參加《中4》、成功減掉75公斤，令溦溦驚訝至下巴也險些掉在地上。

至於另一名5燈選手莫煥基，不但樣子青靚白淨，唱功亦相當不俗，獻唱《霧之戀》，唱到第一段副歌的「永在我心」時，竟吸引了溦溦及周國豐九秒九同時撳燈，周國豐見到「真身」後，還忍不住驚歎：「佢好後生！」而再唱到
「你那眼中都有我」時，海兒及張佳添亦爭住撳埋，張佳添更忍不住邊撳邊大叫：「好！」但美中不足而又搞笑的是，當5位評審畀完燈後，莫煥基竟來個「臨尾走音」，令評審們忍不住為他大感好彩。肥媽：「你走早一句都冇5盞燈啊！你有自己不特止，把聲係靚嘅。」海兒：「你嘅聲音好有辨識度、幾有張力嘅。」

+5

+4

點擊圖片放大

「中4吳大強」魏文財憑迷人老歌Style靚聲俘虜評審

昨晚一集，還出現了一位與首季吳大強一樣熱愛唱老歌的年長參賽者，他就是現年57歲、獻唱《月亮代表我的心》的魏文財。雖然文財唱不出歌曲應有的柔情，周國豐更笑言文財唱得像暗殺多過示愛，十分搞笑。但最終因為文財的個人特色及靚聲，最後還是奪得3燈成績有望晉級成「中4版吳大強」。

肥媽：「我諗佢對電腦對得多，好少同女人溝通，『輕輕的一個吻』幾時有輕輕啫？不知幾咁肉緊。點解要咁樣同人唱情歌呢？但係佢把聲又ok架喎。」周國豐：「你嘅版本係似暗殺咯，不過係有唱老歌嘅味道嘅，把聲都幾吸引嘅」、溦溦：「想讚你把聲好Charm幾靚。」