《愛回家》男藝人IG突然宣佈離巢TVB 長文感謝丹爺8年照顧：未食完飯就找咗數

秦啟維加入TVB十年

日前秦啟維在社交平台上貼出過去多張在TVB拍劇時的相片，並宣佈離巢消息：「喺Tvb呢10年，拍過60幾部電視劇，係一件非常之難得同埋開心嘅事情，尤其是對於一個咁鍾意演戲嘅人嚟講係非常之有夢想嘅事。」他又細數曾經出演過的角色，並表示因《愛·回家之開心速遞》中「細力」一角，令他感受到入屋的感覺。

特別點名感謝劉丹

接著秦啟維亦感謝曾一起共事的監製，並特別點名感謝拍攝愛·回家時，對手戲最多的劉丹：「特別多謝丹爺，呢八年同你開工，除咗喺你身上學到演技同專業之外，亦都好感恩你每次開工都會叫我去canteen食飯或者飲咖啡，可能你知道藝員呢份工作唔係咁多收入，成日未食完飯就找咗數。」

IG宣布離巢消息

最後他透露未來計劃在更多不同平台工作：「亦都係呢度要多謝咁多位合作嘅Tvb台前幕後工作人員係你哋俾咗機會我拍咗咁多戲，亦都感謝Tvb嘅栽培希望嚟緊可以係多啲唔同嘅平台出現，我喜歡嘅舞台劇，抑或係我未試過嘅電台工作我相信只要我keep住對演戲嘅熱誠，同埋努力，相信未來一定有好嘅發展 。」表示會繼續在演藝路上努力。